Aha do Harosuh ni Naibata?
Naibata sihol ase goluhta damei anjaha sonang ibagas paradeiso i tanoh on sadokah ni dokahni!
Boi sahali Nasiam marpingkir, tongon do ai? Bibel manghatahon Harajaon Naibata laho pasaudkon ai, anjaha sihol do Naibata ase haganup jolma marlajar pasal HarajaonNi pakon harosuhNi hubanta.—Psalmen 37:11, 29; Jesaya 9:7.
Sihol do Naibata ase hita mandapot guna humbani panondangionNi.
Songon sada bapa, sihol ase niombahni mandapot sidearan, Bapa na i surga pe sihol ase hita boi mangahapkon hadameion sadokah ni dokahni. (Jesaya 48:17, 18) Ia marjanji bani sidea na ”sihorjahon rosuh ni Naibata, totap do ronsi sadokah ni dokahni”.—1 Johannes 2:17.
Naibata sihol ase hita mardalan bani dalan-dalanNi.
Bibel manghatahon Panompata sihol ”ase iajarhon banta sagala dalanNi” ase hita boi mandalankonni. (Jesaya 2:2, 3) Ia domma ”mamilih bani diriNi na gabe bangsaNi” na laho patugahkon harosuhNi hu sab dunia on.—Lahoan ni Apostel 15:14.
Naibata sihol ase hita marsada ibagas haporsayaon hu Bani.
Haporsayaon na sintong hubani Jahowa boi pasadahon jolma ibagas holong, sedo ase mamosah sidea. (Johannes 13:35) Ise do sonari on na mangajarhon sarani ase marsada manombah Naibata? Jumpahi ma balosni ibagas buku on.
You May Also Like
PASAL HANAMI
Sonaha do Tongon Ranggian Parlajaran Bibelnami?
Isab tanoh on, Saksi-Saksi Jahowa itandai halani ranggian parlajaran Bibel na lang mambayar na iusulhon sidea. Tonggor ma sonaha do parlajaranni.
PASAL HANAMI
Mase Porlu Marlajar Bibel?—Video na Ganjang
Marhitei Bibel, marjuta halak i sab dunia on boi mandapot balos ni sungkun-sungkun pasal hagoluhan on. Ai marosuh do ham mamparlajari Bibel?
