Songon goranni aima Balei Harajaon, parlajaran Bibel ijai khususni iarahkon bani Harajaon ni Naibata​—tema pangidangion ni Jesus.​—Lukas 8:1.

Pusat panombahan na sintong bani sada ianan. Saksi-Saksi Jahowa mangatur horja parambilanon pasal barita na madear humbani ianan ai. (Mateus 24:14) Adong do marmasam ukuran pakon rupa Balei Harajaon, tapi haganupan ai aima ianan na lang marlobihan, anjaha bahat do Balei na ipake bani lobih sada kuria. Sonari on hanami domma pajongjongkon marpuluh ribu Balei Harajaon na baru (hira-hira lima siap ari) laho manggoki haporluhon halani partambahan pagori ibagas kuria. Sonaha do ai ihorjahon?​—Mateus 19:26.

Ipajongjong marhitei tumpak banggal ni uhur. Tumpak on itongos hu kantur Saksi-Saksi Jahowa i sada-sada nagori ase duitni boi ipakei mangurupi kuria-kuria na porlu pajongjongkon atap pe padearhon Balei Harajaon.

Ipajongjong bani sidea na mambere dirini, na roh humbani marmasam hagoluhan. I buei ni nagori, adong Sada Hulanan na Pajongjongkon Balei Harajaon. Tim on aima parhorja pakon tukang na mambere panorangni pindah humbani sada kuria hu kuria na legan i sada nagori, atap hu huta-huta, laho mangurupi kuria na laho pajongjongkon Balei Harajaon. I nagori-nagori na legan haganup Saksi na sosok isuruh laho mangawasi parhorjaan pajongjongkon Balei Harajaon hu ianan na itotapkon. Age pe buei parhorja na pandei humbani wilayah ai na mambere dirini mangurupi haganup horja pajongjongkon Balei, tapi bueinan do parhorjani aima sidea na roh hun kuria na ijai. Haganupan on boi mardalan halani pasu-pasu ni tonduy Jahowa pakon usaha humbani panombahNi ibagas gok ni uhur.​—Psalmen 127:1; Kolosse 3:23.

• Mase ianan partumpuan nami isobut Balei Harajaon?

• Sonaha do buei ni Balei Harajaon boi ipajongjong i sab tanoh on?