Dong do Saksi Jahowa na itanda Nasiam? Piga-piga humbani sidea ra do simbalog rumah ni Nasiam, hasoman saparhorjaan, atap hasoman saparsikolahan. Ise do sasintongni hanami, janah mase hanami patugahkon haporsayaon nami hubani na legan?

Jolma na biasa. Hanami humbani marragam hagoluhan. Piga-piga humbani hanami, roh hunbani ugama na legan janah dong do na lang porsaya bani Naibata. Age pe sonai, sanggah lang ope gabe Saksi, hanami ganup manangkasi Bibel. (Lahoan ni Apostel 17:11) Porsaya do hanami aha na dob iparlajari, anjaha hanami sandiri ma na mamilih laho manombah Naibata.

Hanami mangahapkon gunani marlajar Bibel. Songon halak na legan, hanami lang lopas humbani parsualan pakon hahurangan. Tapi, halani mandalankon onjolan-onjolan ni Bibel, hanami mangahapkon goluh nami lambin madear. (Psalmen 128:1, 2) Ai do sada pandapot mase hanami patugahkon aha na madear na iparlajari hanami humbani Bibel.

Hanami manggoluh ibagas onjolan-onjolan ni Bibel. Onjolan-onjolan on ma na mambahen hanami lambin marmalas ni uhur janah hormat bani na legan, mamupuk paruhuran na pintor ampa habujuran. Onjolan-onjolan on mambahen gabe bujur bani halak na buei, sehat bai pardangingan, partonduyon, marparbuei, kaluarga na damei pakon bujur. Halani porsaya bani Naibata ”na so sididah bohi”, hanami mangahapkon parhasomanan i sab tanoh on na ipasada bani haporsayaon, lang sitonggor jumbak, lang dihut bani politik. Hassi pe halak na biasa tapi na gabe juak-juak ni Naibata, parlahou nami lang somal pakon halak na legan.​—Lahoan ni Apostel 4:13; 10:34, 35.

• Aha do na sarupa bani Saksi-Saksi Jahowa pakon na legan?

• Onjolan-onjolan aha do na iparlajari ganup Saksi humbani Bibel?