Humbai na basaia, Jahowa sihol ase haganup kaluarga martumpu ase partonduyon sidea lambin gogoh anjaha kaluarga sidea lambin orot. (5 Musa 6:6, 7) Ai do na mambahen haganup kaluarga Saksi Jahowa mambere panorangni siap minggu ase rap martonggo hubani Jahowa​—marlajar pasal partonduyon domu hubani haporluan ni sidea, anjaha ihorjahon ibagas panorang na tonang. Hassi pe sahalak Ham, boi do Ham marlajar sandiri i rumah, sada bagian humbani Bibel.

Panorang na mambahen parhasomanan pakon Jahowa lambin orot. ”Padohor nasiam ma bani Naibata, jadi padohoron-Ni ma bani nasiam.” (Jakobus 4:8) Marhitei mamparlajari paruhuran pakon horja ni Jahowa marhitei alaman-alaman ni Bibel, hanami lambin mananda Jahowa. Sada sara na urah laho mamungkah parlajaran Bibel kaluarga aima rup mambasa Bibel bani sora na gogoh, na ibuat humbani daptar mingguan na adong ibagas Partumpuan Hagoluhan pakon Pangidangion Kristen. Haganup kaluarga boi do margantih mambasahon sada bagian humbani Bibel, dob ai rup mangulas aha na idapot humbani parlajaran ai.

Panorang na mambahen kaluarga lambin orot. Paramangon pakon parinangon, sonai homa na matoras pakon niombahni, boi do mambahen parhasomanan ni sidea lambin orot sanggah rup marlajar Bibel. Ai ma namin panorang na mambahen malas ni uhur anjaha na ipaima-imahon siap minggu. Domu humbani umur ni niombah, na matoras boi do mamilih bagian-bagian na sosok iparlajari, ra do marhitei piga-piga parlajaran na adong i Ambilan na Madear pakon Sadarlah! atap bai situs Webnami, jw.org. Boi isahapkon Nasiam parsualan ni niombah na adong i parsikolahan anjaha mangurupi sidea ase maluah bani parsualan. Boi do homa Nasiam manonton JW Broadcasting (tv.pr418.com), janah mangulas parlajaranni. Nasiam pe boi marlajar doding partumpuan, dob ai boi do minum pakon mangan ruti.

Asara na porlu tumang laho manombah Jahowa, rup bai siap minggu boi mangurupi kaluarga ase marosuh hubani Hata ni Naibata, anjaha gok do pasu-pasu ni Naibata bani horja ni sidea.​—Psalmen 1:1-3.

• Mase ibere hanami panorang parlajaran Bibel kaluarga?

• Sonaha do na matoras boi mambahen parlajaran Bibel kaluarga pasonangkon haganup?