Sihol do Nasiam manangkasi sada parlajaran ase lambin tambah habotohon Bibel ni Nasiam? Sihol do Nasiam mambotoh sada ayat, halak, ianan, atap sada-sada barang na isobutkon bani Bibel? Atap, ongga do Nasiam tarpingkir sonaha do Hata ni Naibata boi mangurupi Nasiam maluah humbani parsualan? Anggo sonai, pakei Nasiam ma parpustakaan Balei Harajaon.

Pasirsirhon buku-buku panangkasion na marguna. Ra do lang adong ganupan buku na baru na hinaluarhon Saksi-Saksi Jahowa bani Nasiam. Tapi, parpustakaan Balei Harajaon pasirsirhon buku naimbaru lobih bahat. Ra do adong marmasam terjemahan Bibel, kamus na jenges, pakon buku-buku na legan na marguna. Nasiam boi mamakei parpustakaan ai sanggah lape masuk atap salosei partumpuan. Anggo ipasirsir komputer ijai ra do adong Watchtower Library na boi ipakei. On sada program komputer, ibagas bahat buku-buku nami, anjaha adong sada program sonaha ase urah hita mandarami bagian parlajaran hata atap pe ayat-ayat.

Marguna bani sidea na mandapot bagian bani Partumpuan Hagoluhan pakon Pangidangion Kristen. Nasiam boi mamakei parpustakaan Balei Harajaon sanggah pasirsirhon tugas ai. Na martanggung jawab bani parpustakaan on aima pangawas Partumpuan Hagoluhan pakon Pangidangion Kristen. Ia mamareksa buku-buku naimbaru, domma sirsir atap na lang anjaha iatur jenges. Ia atap pe pangajar Bibel Nasiam boi patuduhkon sarani mandapot hatorangan na iporluhon Nasiam. Tapi, haganupan buku ai lang boi iboan hu darat Balei Harajaon. Tontu hita pe, sihol manjaga ase buku ai totap jenges anjaha borsih.

Bibel patorangkon ase mandapot ”habotohon pasal Naibata”, hita maningon mangindahi ”songon arta na ponop”. (Podah 2:1-5) Parpustakaan Balei Harajaon boi mangurupi Nasiam mandarami ai.

• Buku-buku panangkasion aha na sirsir i parpustakaan Balei Harajaon?

• Ise do na boi mangurupi Nasiam mamakei parpustakaan on?