Age pe hanami mamontas harangan atap ari na lang dear, hanami totap do roh martumpu. Age pe bahat parsualan anjaha loja halani domma horja sadari bod, mase Saksi-Saksi Jahowa marusaha pajumpah pakon hasoman sahaporsayaon i kuria?

Dear hubani partonduyon nami. Paulus mangojurhon haganup sidea na ibagas kuria ase ”lambin marsigolpaan”. (Heber 10:24) Hata on mararti ”mamingkirhon anget-anget”, atap mananda haganup hasoman. Jadi, hata si Paulus on mangojur hanami ase mansarihon halak na legan. Anggo lambin mananda kaluarga-kaluarga Kristen na legan, hanami pe lambin mambotoh piga-piga humbani sidea domma marhasil maluah humbani abad-abad songon na itaron hanami, anjaha sidea boi mangurupi hanami sonaha ase maluah bani abad-abad ai.

Mambahen parhasomanan na totap. Ipartumpuan, hanami martumpu lang pakon hasoman na biasa, tapi pakon hasoman na pintor. Bani panorang na legan pe hanami ra do dihut mardalani ibagas malas ni uhur. Aha do gunani parsaoran sisonai? Hanami marlajar lambin manghargai ganupan hasoman anjaha holong nami lambin orot. Porini adong hasoman nami ibagas parsualan, sonang do uhur nami mangurupi sidea halani parhasomanan nami domma toguh. (Podah 17:17) Marhitei parsaoran pakon haganup pagori ni kuria, hanami patuduhkon anggo hanami ”marsiurupan”.​—1 Korint 12:25, 26.

Hanami mangojurhon Nasiam ase mamilih hasoman-hasoman na manghorjahon harosuh Naibata. Nasiam mandapot hasoman sisonai itongah-tongah ni Saksi-Saksi Jahowa. Ulang malang uhur Nasiam marsaor pakon hanami.

• Mase parsaoran i partumpuan marguna?

• Attigan do Nasiam sihol mananda kuria lambin dohor?