Buei halak sonari on marayoh roh bani tumpuan ugama halani sidea lang mandapot panondangion na sintong pasal partonduyon. Jadi, aha do gunani Nasiam roh hu partumpuan Kristen Saksi-Saksi Jahowa, na somal isobut hanami ”partumpuan”? Aha do na idapot Nasiam ijai?

Malas uhur halani dong itongah-tongah ni halak na basar janah parholong. Bani masa na parlobei, halak Kristen iarahkon hu bagas kuria-kuria, anjaha sidea mambahen partumpuan laho manombah Naibata, mamparlajari Bibel, janah marsiojuran. (Heber 10:24, 25) Sanggah martumpu ibagas holong, sidea mangahap adong itongah-tongah ni hasoman, ai ma sahaporsayaon ibagas partonduyon. (2 Tessalonika 1:3; 3 Johannes 14) Hanami maniru halak Kristen na parlobei janah mangahapkon malas ni uhur songon sidea.

Guna na idapot mamparlajari, manghorjahon onjolan-onjolan ni Bibel. Songon i masa panuratan ni Bibel, dalahi, naboru, atap pe dakdanak rup martumpu. Guru-guru na pandei mamakei Bibel laho mangurupi hita manghorjahon onjolan-onjolan ni Bibel bai ganup ari. (5 Musa 31:12; Nehemia 8:8) Haganupan boi dihut mandoding, mambere pandapot, mambahen hita boi patugahkon pangarapan Kristenta.​—Heber 10:23.

Pasu-pasu na idapot halani haporsayaon hubani Naibata lambin orot. Si Paulus patugahkon hubani sada kuria i masani, ”Ai masihol do uhurhu mangidah Nasiam, andohar tarbere ahu deba bani Nasiam si bere-bere partonduyon, laho patoguhkon haporsayaon Nasiam, arti ni ai, ase dapotan gogoh age ahu humbani Nasiam halani haporsayaonta rombang.” (Rom 1:11, 12) Partumpuan na totap pakon sahaporsayaon i partumpuan mampargogohi haporsayaonta, janah patotapkon ibagas uhur ase tongtong manggoluh bani onjolan-onjolan ni Bibel.

Hanami mangontang Nasiam ase roh hu partumpuan i kuria nami anjaha mangahapkon sandiri aha gunani. Nasiam holi i alo-alo ibagas malas ni uhur. Lang ipungut biaya- lang adong durung-durung.

• Sonto aha do itiru ibagas partumpuan i kuria nami?

• Aha do gunani na boi idapot, roh hu partumpuan Kristen?