Halak Kristen i abad na parlobei somalni mandoding, martonggo, mambasa pakon mamparlajari Buku na Pansing i partumpuan ni sidea; lang adong hasomalan ugama aha pe. (1 Korint 14:26) Hira-hira sonai ma partumpuan nami.

Pangajaranni maronjolan bani Bibel anjaha boi ihorjahon. Bani ujung minggu, haganup kuria martumpu laho manangar ambilan 30 minit pasal sonaha do Bibel domu bani pargoluhanta pakon bani na masa sonari on. Haganup na roh iojur mambuha ayat-ayat na isobut. Dob salosei ambilan, adong Parlajaran ”Ambilan na Madear”,  ai ma parlajaran na ibuat humbani majallah Ambilan na Madear khusus parlajaran, haganupan na roh boi dihut mambere pandapot bai parlajaran ai. Parlajaran on boi mangurupi hanami manghorjahon podah ni Bibel bani hagoluhan. Majallah na sarupa iparlajari i lobih humbani 110.000 kuria i sab dunia on.

Hanami iurupi ase lambin pandei mangajar. Martumpu do use hanami bani tengah pekan, na igoran partumpuan Hagoluhan pakon Pangidangion Kristen. Ijai hanami mangulas tolu bagian na dong bani Jadwal Partumpuan Hagoluhan pakon Pangidangion Kristen na ipasirsir tiap bulan. Bagian na parlobei ai ma Na Maharga humbani Bibel. Ijon iurupi do hanami ase mangarusi bagian hun Bibel na ibasa bani minggu ai. Dob ai, bani bagian Ringgas ma ibagas Pangidangion adong do pertunjukan na mangurupi hanami mangajari halak pasal Bibel. Sahalak pangawas mambere podah ase hanami lambin pandei mambasa pakon mangajar. (1 Timoteus 4:13) Bagian na parpudi ai ma Hagoluhan ni Halak Kristen, mangajari hanami ase mandalankon podah hun Bibel ibagas hagoluhannami. Dong homa buku na iulas na mangurupi hanami ase lambin mangarusi isi ni Bibel.

Porini roh Nasiam hu partumpuan nami, ra do longang Nasiam mangidah dearni parlajaran ni Bibel na ijalo.​—Jesaya 54:13.

• Asara aha do na boi itangar Nasiam bai partumpuan Saksi-Saksi Jahowa?

• Partumpuan mingguan na ija do na sihol irohi Nasiam?