Naibata marosuh nasiam gabe hasomanNi. Ongga do tarpingkir anggo nasiam boi gabe hasoman Na Tang Sitimbulan? Si Abraham, na basaia igoran do ia [hasoman] ni Naibata. (Jakobus 2:23) Piga-piga halak na isurat ibagas Bibel mangahapkon parhasomanan pakon Naibata janah dapotan pasu-pasuNi. Sonari, buei do jolma i sab tanoh on domma gabe hasoman ni Naibata. Nasiam pe boi do homa gabe hasomanNi.

Dearan do marhasoman pakon Naibata marimbangkon jolma. Seng ongga itadingkon Naibata hasomanNi na bujur. (Psalmen 18:26) Dearan do marhasoman pakon Naibata marimbangkon habayakon. Halani anggo matei sasahalak, bani na legan do habayakonni ai. Tapi parhasomanan bai Naibata, aima sada arta na lang boi ibuat ise pe.​—Mateus 6:19.

Piga-piga halak ra do maminsang nasiam halani marlajar Bibel. Boi do ai humbani hasoman atap pe sindohor. (Mateus 10:36, 37) Anggo adong na manrisai ham halani ai, sungkun ma diri nasiam, ’Ise do na sihol megah bahenonku​—jolma do atap Naibata?’ Paruhurhon ma: porini dong na manghatahon seng bulih ham mangan, ra do nasiam? Tontu lang! Halani porlu do mangan ase boi manggoluh. Tapi Naibata boi mambahen nasiam manggoluh sadokah ni dokahni! Halani ai ulang paturut ham barang ise pe manlanglangi ham marlajar sonaha nasiam boi marhasoman pakon Naibata.​—Johannes 17:3.