Jesus Kristus ai ma anak ni Jahowa, hasoman sidohoran pakon na hinaholonganNi. Sanggah lape hu tanoh on Jesus, ia domma adong i surga gabe sada malekat parkuasa. (Johannes 17:5) Dob ai, roh ma ia hu tanoh on mangajarhon hasintongan pasal Naibata bani jolma. (Johannes 18:37) Ibere Jesus do homa hagoluhanni laho paluahkon manisia sipambalosi, humbani dousa pakon hamateian. (Rom 6:23) Sonari Jesus raja ni Harajaon Naibata, sada pamarentahan i surga na laho mambahen tanoh on gabe Paradeiso.​—Pangungkabon 19:16.

Malekat-malekat pe hasoman ni Naibata. Humbai na basaia harorohan ni ganupan malekat sedo humbani tanoh on, halani sidea domma itompa Naibata i surga sanggah lape adong tanoh on. (Job 38:4-7) Adong do marlaksa-laksa Malekat. (Daniel 7:10) Hasoman Naibata on sihol ase halak marlajar hasintongan pasal Jahowa.​—Pangungkabon 14:6, 7.

Adong do homa hasoman Naibata i tanoh on; igorani Jahowa ma sidea saksi-saksiNi. Sontohni, adong manghatahon na lang tongon pasal nasiam, janah roh ma hasomanmu patugahkon na sintong. Sonai homa do Saksi-Saksi Jahowa patugahkon hasintongan pasal Jahowa pakon sura-suraNi. (Jesaya 43:10) Songon malekat, Saksi-Saksi Jahowa sihol do mangurupi nasiam marlajar pasal Naibata. Harosuh sidea ase nasiam pe gabe hasoman ni Naibata.