Munsuh Naibata na parlobei ai ma Setan. Setan aima sada malekat na manlawan Naibata Jahowa. Setan tongtong manlawan Jahowa pakon mambahen hasunsahan bani manisia. Jahat do Setan ai. Siparladung do ia anjaha sibunuh jolma.​—Johannes 8:44.

Malekat-malekat na legan marsada pakon Setan ibagas panlawanan dompak Naibata. Bani Bibel sidea igoran begu-begu. Songon Setan, begu-begu pe munsuh ni manisia. Marosuh do sidea mambahen marsik jolma. (Mateus 9:32, 33; 12:22) Holi, Setan pakon begu-beguni iripaskon Naibata Jahowa sadokah ni dokahni. Otik mando panorang ni Setan mambahen sunsah manisia.​—Pangungkabon 12:12.

Anggo sihol nasiam marhasoman pakon Naibata, seng boi ham manghorjahon rosuh ni Setan. Sogam do Setan pakon begu-beguni bani Jahowa. Sidea munsuh Naibata, janah sihol mambahen nasiam gabe munsuh Naibata. Bahat do akal-akal ni Setan laho pakahouhon jolma. Bueinan jolma ioto-otoi Setan. (Pangungkabon 12:9) Maningon pilih nasiam ise do sihol megah bahenonmu​—Setan atap Jahowa. Anggo ra nasiam manggoluh sadokah ni dokahni, pilih ma harosuh ni Naibata.