Sanggah dong hasoman na ipasangap ampa iharosuhkonmu, marusaha do ham mangusih ia. Bibel manghatahon: ”Layak anjaha bonar do Jahowa.” (Psalmen 25:8) Laho marhasoman pakon Naibata, maningon do hita marparlahou layak anjaha bonar. Bibel manghatahon: ”Sitiru Naibata ma nasiam songon anak na hinaholongan! Anjaha marparlahou ma nasiam ibagas haholongan.” (Epesus 5:1, 2) On ma piga-piga na porlu ihorjahon:

Rosuh mangurupi halak na legan. ”Horjahon hita ma na madear bani haganup halak.”​—Galatia 6:10.

Ringgas marhorja. ”Sipanangko hinan, ulang be manangko, tapi ra ma ia loja, anjaha ihorjahon tanganni ma na madear.”​—Epesus 4:28.

 Manjaga parlahou pakon daging totap borsih. ”Paborsih hita ma dirinta humbani sagala na pabutakkon daging ampa tonduy laho marayak hapansingon ibagas biar dompak Naibata.”​—2 Korint 7:1.

Pataridahkon holong ampa hormat bani na sarumah. ”Ganup nasiam marsihaholongi parinangonni bei songon dirini sandiri, anjaha parinangon pe ihabiari ma paramangonni. Dakdanak, balosi nasiam ma namatoras nasiam.”​—Epesus 5:33–6:1.

Pataridahkon holong bani halak na legan. ”Marsihaholongan ma hita, ai humbani Naibata do haholongan in.”​—1 Johannes 4:7.

Unduk bani pamarentah. ”Unduk ma ganup halak bani pamarentah . . . Galar nasiam ma bani ganup halak na patut situngguonni. Balasting bani na patut manjalosi.”​—Rom 13:1, 7.