Ai marlawanan do Hamateian dompak hagoluhan. Na matei usih songon na sinok modom. (Johannes 11:11-14) Sidea na dob matei lang boi manangar, marsahap, manonggor, atap pe marpingkir. (Parambilan 9:5, 10) Ugama na ladung mangajarhon tonduy ni halak na dob matei rap pakon tonduy ompung-ompungni na dob matei. On sedo ajaran ni Bibel.

Halak na matei lang boi mangurupi atap mambahen hasunsahan hubanta. Anggo dong na matei somal do halak mambahen adat pakon manggonrangi halani iharposayai boi pasonangkon na matei. Seng marosuh Naibata manonggor ai halani maronjolan bani ladung ni Sibolis. Halak na matei lang boi ipasonang halani sidea lang adong be hosahni. Jadi hita lang pala gobir atap manombah bani halak na matei. Pitah Naibata do na maningon sisombahon.​—Mateus 4:10.

Mulak manggoluh do use halak na matei. Jahowa sihol mamuhoi jolma na dob matei ase manggoluh i paradeiso i tanoh on. On saud i ari magira. (Johannes 5:28, 29; Lahoan 24:15) Jahowa boi papuhohon na matei usih songon nasiam boi mamuhoi sada halak na modom.​—Markus 5:22, 23, 41, 42.

Totap do manggoluh tonduyni na matei, ai ma ladung na ipararat Sibolis. Sibolis pakon begu-beguni mambahen ase halak marpingkir anggo halak na matei manggoluh ope tonduyni janah boi mambahen buei hasunsahan pakon naborit. Sibolis mangoto-otoi halak marhitei nipi ampa panonggoran. Iburai Jahowa do barang ise pe na sihol marsahap bani na matei.​—5 Musa 18:10-12; Jesaya 8:19.