Parhasomanan maronjolan bani holong. Roh bueini hita marlajar pasal Jahowa, roh banggalni ma holongta Bani. Lambin martambah holongta bani Naibata, lambin rosuh hita laho mangidangi Ia. On ma na mangojur hita gabe susian ni Jesus Kristus. (Mateus 28:19) Marsada pakon kaluarga Saksi-Saksi Jahowa na martuah, nasiam boi mangahapkon parhasomanan na tongtong pakon Naibata. Aha do na maningon bahenonta?

Maningon do taridah holongta bani Naibata marhitei mandalankon parentahNi. ”On do holong ni uhur bani Naibata, anggo idalankon hita titah-Ni, anjaha seng borat titah-Ni in.”​—1 Johannes 5:3.

Horjahon ma aha na dob taparlajari. Ibahen Jesus do sada limbaga. Sada dalahi na maruhur pajongjongkon rumah i atas batu. Sada dalahi na oto pajongjongkon rumah i atas horsik. Sanggah roh udan pakon logou na doras mandorab rumah ai, rumah na i atas batu seng marumbak, tapi rumah na i atas horsik marumbak. Jesus patugahkon sidea na manangar ampa manghorjahon pangajarionni, usih songon dalahi na maruhur pajongjongkon i atas batu. Sidea na manangar tapi lang manghorjahon, usih songon dalahi na oto pajongjongkon i atas horsik. Dalahi na ija do na sihol usihononmu?​—Mateus 7:24-27.

 Mangondoskon diri. Artini: Nasiam martonggo bani Jahowa laho patugahkon nasiam sihol manghorjahon harosuhNi sadokah ni dokahni. Manghorjahon harosuhNi pataridahkon nasiam susian ni Jesus.​—Mateus 11:29.

Pandidion. ”Tardidi, paburihkon dousamu marhitei na mandilo goran-Ni.”​—Lahoan 22:16.

Pongkut ma mangidangi Naibata. ”Humbani gok ni uhur ma horjahon nasiam sagala horja nasiam, songon na bani Tuhan in, sedo bani jolma.”​—Kolosse 3:23.