Ase boi nasiam tongtong marhasoman, porlu do nasiam marsahap pakonsi. Porlu do manangihon ia, sonai homa ia porlu manangihon nasiam. Janah nasiam pe patugahkon na madear pasal hasomanmu ai bani halak na legan. Sonai homa do marhasoman pakon Naibata. Pardiateihon ma aha na ihatahon Bibel:

Tongtong ma martonggo bani Jahowa. ”Golgol bani tonggo.”​—Rom 12:12.

Basa ma Bibel. ”Ai sagala surat in sinahapkon ni Naibata do, anjaha marguna mamodahi, maminsang, pauli-ulihon.”​—2 Timoteus 3:16.

Ajari ma halak na legan pasal Naibata. ”Laho ma hanima, podahi hanima ma sagala bangsa, ase gabe susianku, . . . Ajari hanima ma sidea manghorjahon sagala na dob Hutitahkon bennima.”​—Mateus 28:19, 20.

 Padohor ma bani hasoman-hasoman ni Naibata. ”Marsaor pakon halak na pentar, parohkon hapentaran.”​—Podah 13:20.

Roh ma hu partumpuan i Balei Harajaon. ”Pardiateihon hita ma samah hita, ase marsiojuran hita mandalankon holong ampa manghorjahon na madear, . . . marsipagolpaan.”​—Heber 10:24, 25.

Urupi ma horja parambilanon. ”Ganup ma jinuljul ni uhurni, ulang ma humbani borat ni uhur atap halani paksa, ai ihaholongi Naibata do halak na malas uhur mambere.”​—2 Korint 9:7.