Nasiam porlu marlajar pasal Naibata ase boi gabe hasomanNi. Ai ibotoh janah idilo hasomanmu do goranmu? Ai do. Sonai homa rosuh Naibata ase ibotoh pakon idilo ham goranNi. Jahowa do goran ni Naibata. (Psalmen 83:19; Mateus 6:9) Maningon ibotoh nasiam homa harosuh pakon hagigiNi, sonai homa ise hasoman pakon munsuh-munsuhNi. Porlu do panorang ase boi mananda sasahalak. Bibel manghatahon, maruhur do halak na ra mambere panorang laho marlajar pasal Jahowa.​—Epesus 5:15, 16.

Hasoman ni Naibata manghorjahon harosuhNi. Dingat ma hasomanmu. Porini ibahen ham na masambor pakon na ihasogami, boi do tongtong nasiam marhasoman? Tontu seng boi! Sonai homa anggo sihol ham tongtong marhasoman pakon Naibata, horjahon ma harosuhNi.​—Johannes 4:24.

Seng ganupan ugama manogu-nogu hu parhasomanan pakon Naibata. Jesus ai ma hasoman ni Naibata sidohoran, patugahkon pasal dua dalan. Dalan na sada bolag anjaha buei jolma ijin, dalan ai manogu-nogu hu hamagouan. Dalan na legan sompit anjaha otik do na mardalan ijai, tapi manogu-nogu hu hagoluhan sadokah ni dokahni. Marhitei ai maningon ibotoh ija do dalan na sintong anggo marosuh nasiam gabe hasoman ni Naibata.​—Mateus 7:13, 14.