Pingkirhon ma aha do tujuan ni ambilan ai. Dong piga-piga tujuan ni ambilan, umpamani laho mambere hatorangan, patoguhkon haporsayaon, atap mangojur sidea mandalankon podah ni Bibel. Halani ai, parlajari ma topik utama ibagas ambilan ai, janah patorang ma ai domu bani tujuan ni ambilan.

Bahen ma tangkas tema ni ambilan ai. Sadokah marambilan, patugah ma piga-piga hali kata kunci bani ambilan ase tangkas ibotoh sidea tema ni ambilan ai.

Bahen ma topik utamani tangkas janah urah iarusi. Pilih ma topik utama na markaitan pakon tema ni ambilan ase boi tangkas ipatorang ibagas panorang na dob itontuhon. Ulang mabahattu topik utama na ipilih. Anjaha, sanggah marambilan tangkas ma patugah ai sada-sada. Sanggah laho patorangkon topik na mangihut, maronti ma tongkin janah bahen ma kata sambung na wajar.