Pingkirhon ma aha na dob ibotoh sidea. Marimbangkon pitah mangulas aha na dob ibotoh sidea, pingkirhon ma sonaha carani padaskon hatorangan ai ase songon topik na baru bani sidea.

Pindahi hatorangan roh bahatni janah parlajari. Sanggah laho patorangkon topik na ponting, dear ma anggo igunahon fakta na menarik na lang ongga itangar sidea. Atap boi homa patugahkon situasi na masa. Parlajari ma bahanni janah sonaha hatorangan na ipatugah hita markaitan pakon topik.

Patugah gunani hatorangan ai. Patorang ma sonaha podah ni Bibel boi mangurupi sidea na manangar. Ulas ma sonaha mandalankon podah ai ibagas parlahou, horja, atap situasi na iahapkon sidea bani hagoluhanni siganup ari.