Urupi ma sidea mamareksa dirini sandiri. Bahen ma sungkun-sungkun na boi ipingkirhon sidea ase ra mamareksa dirini sandiri.

Urupi ma sidea ase sihol mangidangi Naibata. Urupi ma sidea ase mamingkirhon mase sidea marosuh mangkorjahon na dear. Ojur ma ase sidea sihol mangkorjahon ai halani holong hubani Jahowa ampa hubani hasoman janah porsaya bani aha na iajarhon Bibel. Ulang ma bahen songon na iparentah hita sidea tapi urupi ma sidea mambotoh gunani mandalankon podah ni Bibel. Anjaha sanggah mamodahi, ulang bahen etek uhurni atap maila, tapi patoguh ma uhur ni sidea ase tarojur mangkorjahon na dear.

Urupi ma sidea ase lambin mangkaholongi Jahowa. Patorang ma sonaha ajaran ni Bibel, prinsip ni Bibel, atap parentah ni Naibata pataridahkon biak ni Jahowa na jenges ampa holong-Ni hubanta. Urupi ma sidea ase mamingkirhon sonaha pangahap ni Jahowa anjaha sihol pamalaskon uhur-Ni.