Pingkirhon ma mase igunahon hita ayat ai. Paima mambasahon ayat, urupi ma sidea ase mambotoh aha do kaitanni ayat na laho ibasa hita pakon topik na laho iulas.

Tongtong ma gunahon Bibel sanggah mangajar. Sanggah marsahap pakon halak na porsaya adong do Naibata, patuduh ma anggo aha na iulas hita humbani Naibata do ai, na isurat ibagas Bibel. Sonai ma carani hita patuduhkon anggo Bibel ai marisi podah na sidearan.

Bahen ma ase sidea sihol manangar ayat na laho ibasahon hita. Bahen ma sungkun-sungkun pasal ayat na laho iulas. Atap bahen ma sada contoh parsoalan na boi isaloseihon hita anggo mangihutkon podah ni Bibel. Leganni ai, boi do ipatugah hita prinsip aha do na laho iparlajari hita humbani ayat ai.