Bahen ma persiapan na dear. Pingkirhon ma aha do tujuanni hatorangan ai isuratkon. Marlatih ma mangidah per kalimat, ase ulang gabe ibasa hita kata per kata. Sanggah mambasa, ulang ma adong kata na itambahi, igantih atap lang ibasa. Pardiateihon homa ganup tanda baca.

Topat ma basahon ganup na isurat. Porini dong kata na lang ibotoh nasiam sonaha carani mambasahon, sungkun ma halak na somal mamakei sahap ai. Atap tangar ma rokaman audio na domma sirsir ibagas sahap ni nasiam.

Tangkas ma basahon. Sanggah mambasa, ulang maunduktu nasiam janah buka ma pamangan ni nasiam ase boi tangkas bogeion.