Pilih janah gunahon ma hatorangan na sintong. Tongtong ma gunahon Bibel sanggah mambere hatorangan. Basahon ma langsung ayatni anggo sosok situasini. Porini hita sihol mambuat hatorangan humbani ilmu pengetahuan, internet, atap pe hun barita i TV, pastihon ma anggo hatorangan ai sintong janah na tarbaru.

Parlajari ma lobei hatorangan ai. Ase boi dear patorangkon ayat, maningon ibotoh hita ma aha na iajarhon Jahowa humbani ayat ai. Janah hatorangan na ibere hita maningon sosok pakon ganup isi ni Bibel ampa hatorangan na ipasirsir “juakjuak na bujur anjaha na maruhur”. (Mat. 24:45) Porini hita sihol mamakei hatorangan na lang humbani organisasi, maningon ibotoh hita aha do tujuan hatorangan ni si panulis ai.

Ulas ma hatorangan ai. Dobkonsi mambasa ayat atap pe patugahkon sada hatorangan, bahen ma sungkun-sungkun atap limbaga na mangurupi sidea ase urah mangarusi.