”Ganup dunia on ibagas kuasa ni hajahaton do.”​—1 Johannes 5:19, Bibel.

”Anak ni Naibata, ai ma laho mansedahon horja ni sibolis.”​—1 Johannes 3:8.

Ibotoh hita do ise namambahen hasosakan i dunia on.​—Pangungkabon 12:12.

Boi hita porsaya, maningon dear do holi dunia on.​—1 Johannes 2:17.

Boi. Adong tolu pandapot pasal ai:

• Harajaon ni Sibolis maningon salpu. Naibata Jahowa domma patotaphon pasal ai. Ia domma marbagahkon laho padearhon haganup na maseda halani pambahenan ni Sibolis.​—Heber 2:14.

• Naibata domma patotapkon Jesus Kristus ase gabe raja i dunia on. Jesus legan do humbani Sibolis na so parholong. Naibata domma marbagah-bagah marhitei panrajaion ni Jesus, halani ”maidop do uhurni bani halak na malumat pakon na musil . . . Paluahonni do hosah ni sidea humbani panokohon pakon pangkilangon”.​—Psalmen 72:13, 14.

• Naibata lang boi marladung. Bibel takkas do manghatahon, ”Seng boi Naibata marladung.” (Heber 6:18) Anggo domma ibagahkon Naibata maningon saud do ai! (Jesaya 55:10, 11) ”Sonari ma sipabalion raja ni dunia on.”​—Johannes 12:31.