SUNGKUN-SUNGKUN 7
Boi do Ahu Berhubungan Seks?
AHA NA LAHO BAHENONMU?
Bayangkon ma sarita on: Si Heather domma marhasoman pakon si Mike sadokah dua bulan. Tapi, songon na domma dohor pangahapni bani si Mike. Gati do sidea marsahapi janah marjam-jam sidea martalepon. Tapi, sonari si Mike lang sihol pitah marsahapi.
Dob dua bulan, si Mike pakon si Heather domma marsijoloman tangan ampa marsisummahan. Sasintongni, lang ra si Heather berhubungan seks pakon si Mike. Tapi anggo lang ra, mabiar do ia itadingkon. Istimewa tumang do pangahapni ibahen si Mike. Anjaha ninuhurni, ‘Marsihaholongan do hanami . . . ’
Anggo domma boi ho marpacaran, anjaha porini ho si Heather, aha na laho bahenonmu?
PINGKIRHON MA!
Seks ai ma sibere-bere humbani Naibata pitah bani na marhajabuan. Anggo berhubungan seks sanggah lape marhajabuan, sarupa do ai songon baju na ibere halak na legan bamu, ibahen ho gabe kain lap
Anggo ilanggar ho hukum gravitasi, boi ma ho matei. Sonai homa anggo ilanggar ho hukum moral, parohkon habadoron do ai. Sontohni hukum, “Daoh ma nasiam humbani [percabulan].”—1 Tessalonika 4:3.
Aha do akibatni anggo ilanggar ho hukum ai? Bibel patugahkon, “Na manriah-riah, bani angkulani do ia na mardousa ai.” (1 Korint 6:18) Tongon do ai?
Bani sada penelitian, bahat na maposo na berhubungan seks sanggah lape marhajabuan, mangahapkon akibat songon na i toruh on.
-
STRES. Bahat do sidea na manosal halani berhubungan seks sanggah lape marhajabuan.
-
LANG PORSAYA BE. Gabe sangsi do sidea dob berhubungan seks. Ninuhur sidea bei, “Pakon ise do use ia berhubungan seks?
-
KECEWA. Sasintongni, bahat do anak boru na marosuh bani dalahi na manjaga ia, sedo bani dalahi na pitah sihol seks. Bahat do homa dalahi, gabe lang pala marosuh be bani anak boru na berhubungan seks pakon sidea.
-
Rimpunanni: Anggo berhubungan seks ho sanggah lape marhajabuan, pabutakkon dirimu do ai. (Rom 1:24) Jadi, ulang ma horjahon sisonai halani harga tumang do dirimu!
Toguh ma ho ase daoh “humbani [percabulan]”. (1 Tessalonika 4:3) Holi, dobkonsi marhajabuan, boi do ho berhubungan seks. Sanggah ai, lang adong be panosalan, tapi marmalas ni uhur do ho.—Podah 7:22, 23; 1 Korint 7:3.
Sonaha Pandapotmu?
-
Ai tongon do holong sasada halak bamu anggo iparseda do hagoluhanmu?
-
Ai tongon do sasada halak holong bamu, anggo iparseda do parhasomananmu pakon Naibata?—Heber 13:4.
