Sadokah goluh ni si Samuel, setia do ia bani Jahowa. Lang ra ia mangihutkon parlahou na lang dear humbani anak ni si Eli na margoran si Hopni ampa si Pinehas. (1Sam 2:22-26) Lambin magodang ma si Samuel janah tongtong do ihasomani Jahowa ia. (1Sam 3:19) Ronsi matua pe, totap do ia setia mangidangi Jahowa. Tapi lang itiru anakni ia.—1Sam 8:1-5.

Aha ma na boi iparlajari hita humbani si Samuel? Anggo poso ope hanima porsaya ma ibotoh Jahowa do ganup tantangannima janah sonaha pangahapnima. Anjaha sihol do Jahowa mangurupi hanima ase totap toguh ampa marhasil mangatasi tantangan ai. (Jes 41:10, 13) Anggo nasiam namatoras janah dong niombahmu na manadingkon Jahowa, tontu tarapoh do uhurmu mambasa sarita pasal si Samuel. Halani lang boi ia mamaksa niombahni ase totap mangidangi Jahowa. Hassi pe sonai totap do ia setia janah malas do uhurni mangidangi Jahowa. Anggo itiru ham si Samuel, boi do ai mangojur niombahmu mulak mangidangi Jahowa.

TONTON MA VIDEO BELAJARLAH DARI MEREKA—SAMUEL. DOB AI BALOSI MA SUNGKUN-SUNGKUN ON:

• Sanggah poso ope si Samuel, sonaha ia patuduhkon anggo ia barani?

• Sonaha si Danny patuduhkon anggo ia barani?

• Dobkonsi matua si Samuel, contoh na madear aha do na ibere ia?

• Contoh na madear aha do na ibere namatoras ni si Danny?