Ase boi sahalak parlajar Bibel marhasoman pakon Jahowa, maningon ipilih ia ma homa hasoman na dear. (Ps 15:1, 4) Hasoman na bujur boi mangurupi ia laho mangkorjahon na madear.—Pod 13:20; lff parlajaran 48.

Lamlam ma sanggah mangurupi parlajar Bibel ase ra manadingkon hasoman na lang dear. Halani ra do lang urah iahap sidea manadingkon hasomanni ai. Jadi patuduh ma anggo nasiam parduli hu bani marhitei gati mar-SMS, manalepon, atap manrohi sidea hassi pe lang jadwal ni nasiam marlajar. Anggo sidea domma mambahen hamajuan ontang ma sidea dihut hu ramah tamah. Boi do ai mangurupi sidea laho mangarusi bahatan do na idapot sidea marimbangkon na itadingkonsi. (Mrk 10:29, 30) Tontu malas do uhurmu anggo sidea boi gabe Saksi Jahowa.

TONTON MA VIDEO BANTULAH PELAJAR ALKITAB UNTUK MENJAUHI PERGAULAN BURUK. DOB AI BALOSI MA SUNGKUN-SUNGKUN ON:

• Aha do artini parhasomanan na lang dear ai?—1Kor 15:33

• Sonaha do mungkahni pangahap ni si Jasmin pasal ramah tamah na ibahen Saksi?

• Aha do na ibahen si Nita ase si Jasmin manadingkon parhasomananni na lang madear?