Ponting tumang do partumpuan ai. (Ps 22:23) Bahat do pasu-pasu ampa malas ni uhur na idapot hita anggo roh hita hu partumpuan. (Ps 65:5) Somalni anggo taratur parlajar Bibelta roh hu partumpuan, lambin podas ma sidea mambahen hamajuon.

Sonaha ham boi mangurupi parlajar Bibelmu ase roh hu partumpuan? Ulang ma marnaloja mangontang sidea. Patuduh ma video Aha do na Masa i Balei Harajaon? Janah saritahon ma aha gunani roh hu partumpuan. (lff parlajaran 10) Boi do homa isaritahon ham parlajaran na idapot ham hun partumpuan atap patugah ma aha na laho iulas bani partumpuan na laho roh. Bere ma publikasi na laho iulas. Anjaha pingkirhon ma aha do na ihaporluhon ia. Umpamani ra do ia porlu ialop. Anggo totap ham marusaha mangontang sidea, gabe tarojur ma holi sidea roh hu partumpuan.—1Kor 14:24, 25.

TONTON MA VIDEO BANTULAH PELAJAR ALKITAB UNTUK MENGHADIRI PERHIMPUNAN. DOB AI BALOSI MA SUNGKUN-SUNGKUN ON:

• Sonaha carani si Nita mangontang si Jasmin ase roh hu partumpuan?

• Mase malas uhurta anggo adong sahalak parlajar Bibel na roh hu partumpuan?

• Sonaha do pangahap ni si Jasmin sanggah parlobei sahali ia roh hu partumpuan?