Mase porlu isaritahon hanima, na ibagas uhurmu hubani namatorasmu? (Pod 23:26) Halani ibere Jahowa do bani sidea tanggung jawab laho manjaga ampa mangajari hanima. (Ps 127:3, 4) Jadi, anggo lang isaritahon hanima na dong ibagas uhurnima, gabe sunsah ma namatorasnima mandalankon tanggung jawab ni sidea. Sobali ai lang boi homa hanima marlajar humbani pangalaman ni sidea. Ai maningon isaritahon hanima do ganup na dong ibagas uhurnima? Tontu lang. Tapi, ulang ma lang mansaritahon hanima aha na patut ibotoh sidea.—Pod 3:32.

Sonaha carani ase boi hanima dear marsahapi pakon namatorasmu? Pindahi ma panorang na sosok. Anggo pangahapmu lang dong panorang na sosok, boi do homa itulis hanima surat na mansaritahon sonaha pangahapmu. Tapi, sonaha anggo sidea mangulas topik na lang iharosuhkon hanima? Dingat ma sihol tumang do namatorasmu mangurupi hanima. Bahen ma sidea gabe hasomanmu sedo munsuh. Anggo dear hanima marsahapi pakon sidea, bahat do gunani ai bani goluhmu sonari on ampa bani ari simagira.—Pod 4:10-12.

TONTON MA VIDEO WAKTU AKU REMAJA—BAGAIMANA AKU BISA BICARA SAMA ORANG TUAKU? JANAH BALOSI MA SUNGKUN-SUNGKUN ON:

• Aha do na ujungni iarusi si Esther ampa si Partik?

• Aha ma na boi iparlajari hanima humbani Jesus?

• Sonaha namatorasmu patuduhkon anggo sidea parduli bannima?

• Prinsip ni Bibel na ija do na boi mangurupi hanima ase dear marsahapi pakon namatorasmu?