Halani otik mando panorangni, dear do anggo ibahen hita tujuan ibagas pangidangion. On boi mangurupi hita ase pangkei manggunahon gogoh ampa panorang. (1Kor 9:26; Ep 5:15, 16) Sanggah parlajaran Bibel kaluarga, boi do iulas nasiam tujuan aha na laho ibahen bani tahun dinas na laho roh. Bani jadwal parlajaran on adong artikel na marisi piga-piga tujuan na boi ipingkirhon janah itonggohon nasiam.​—Jak 1:5.

Umpamani, ai boi do nasiam marsiurupan ibagas kaluarga ase adong na merintis biasa, apala sahalak? Anggo sangsi ham lang boi memenuhi kuota jam dinas, sungkun ma perintis na sarupa situasini pakon ham. (Pod 15:22) Boi do iontang nasiam ia sanggah nasiam mambahen parlajaran Bibel kaluarga. Pindo ma ase isaritahon ia pangalamanni. Dob ai suratkon ma jadwal na masuk akal. Anggo ongga ham merintis, pingkirhon ma atap na boi do ham merintis use.

Ai adong do nasiam ibagas kaluarga na boi merintis ekstra sahali atap piga-piga hali ibagas na satahun? Age pe hurang gogohmu, boi do ham merintis. Bahen ham ma panorang ase boi tongkin-tongkin marbarita bai ganup ari. Anggo pitah akhir pekan dassa nasiam boi marbarita halani marhorja atap sikolah, boi do ipilih nasiam merintis ekstra bani bulan na adong hari libur atap lima akhir pekanni. Suratkon ma bani kalender attigan do nasiam laho merintis ekstra janah bahen ma jadwal.​—Pod 21:5.

TONTON MA VIDEO JADILAH BERANI SEBAGAI . . . PERINTIS. DOB AI, BALOSI MA SUNGKUN-SUNGKUN ON:

• Humbani pangalaman ni Botou Aamand aha ma na boi iparlajari hita pasal pangurupion ni Jahowa bani sidea na merintis?