Humbani bulan Januari 2018, dong Contoh Parsahapan bani Jadwal Partumpuan Hagoluhan pakon Pangidangion Kristen. Sonaha hita boi manggunahon ai?

Sanggah Mandapot Tugas i Partumpuan: Gunahon ma sungkun-sungkun, ayat, ampa sungkun-sungkun na laho iulas use. Hassi pe sonai, lang maningon pas iihutkon ham ganupan na ipatuduh bani video. Boi do igunahon ham hata pamungkah na legan, cara patorangkon ayat, ampa na leganni. Boi do homa ibere ham publikasi humbani Alat laho Mangajarhon Bibel hassi pe lang dong ai isuruh bani tugasmu.

Sanggah Mangidangi: Contoh Parsahapan on ibahen laho mangurupi hita ase mambotoh aha na laho ihatahon. Anggo marosuh halak ai manangar baritamu, boi igunahon ham sungkun-sungkun na ibahen laho manrohi use bani Contoh Parsahapan ai. Tapi boi do homa igunahon ham topik na legan na lang sarupa pakon Contoh Parsahapan ai. Ra do sosokan igunahon ham ayat atap topik humbani Contoh Parsahapan bani bulan na salpu. Ra do homa rosuhan sidea mangulas aha masa baru-baru on. Lang soal atap sonaha pe cara na ibahen nasiam, na sipontingan horjahon ma ‘haganupan in halani ambilan na madear’ ase ra halak manangar.​—1Kor 9:22, 23.