Si Jeremia iparentahkon laho pasingatkon halak Jahudi, ripaskonon ni Jahowa do holi sidea halani manlupahon Jahowa. (Jer 13:25) Mase gabe galek partonduyon ni sidea? Halani halak Israel lang be marhasoman pakon Jahowa. Lang be idalankon kopala keluarga ni halak Israel titah na isuratkon bani 5 Musa 6:5-7.

Sonari, anggo orot do parhasomanan ni kaluarga pakon Jahowa, boi do on mangurupi kuria gabe toguh. Kopala kaluarga boi mangurupi kaluargani ase mardingat Jahowa marhitei mambahen Parlajaran Bibel Kaluarga na dear anjaha taratur. (Ps 22:27) Dob manonton video “Perkataan Ini . . . Harus Ada di Dalam Hatimu”—Wawancara Keluarga, balosi ma sungkun-sungkun on:

• Aha do na ibahen bahat kaluarga ase boi sidea taratur mambahen parlajaran Bibel kaluarga hassi pe sipata dong tantangan?

• Aha do pasu-pasu na dapot halani mambahen Parlajaran Bibel Kaluarga na dear anjaha taratur?

• Sanggah mambahen parlajaran Bibel kaluarga, aha do tantanganni bangku, janah aha do na boi hubahen ase boi taratur?