MASE PORLU: Anggo parlajar Bibel mambahen persiapan, lambin urah ma ia mangarusi janah mardingat aha na iparlajari. Anjaha ai do na mangurupi sidea mambahen hamajuon. Dobkonsi ididi pe, porlu do sidea mambahen persiapan bahan na laho iulas i partumpuan, atap pe sanggah sidea laho marbarita. Ai do na mangurupi sidea ase totap marjaga-jaga. (Mat 25:13) Anggo ibotoh parlajar Bibel mambahen persiapan janah mambahen jadwal na dear, marguna do ai sadokah goluhni. Jadi podas ma urupi parlajar Bibel ase somal mambahen persiapan.

SONAHA CARANI:

• Bere ma siusihan. (Rom 2:21) Sanggah ham mambahen persiapan, pingkirhon ma haporluan ni parlajar Bibel. (km-IN 11/15 alm. 3) Patuduh ma bani sidea bahan parlajaran na dob igarisi ham

• Ojur ma ia mambahen persiapan. Dobkonsi nasiam domma piga-piga hali marlajar, patugah ma bani sidea ase mambahen persiapan anjaha aha do gunani ai. Urupi ma sidea ase boi mangatur panorangni laho mambahen persiapan. Sanggah marlajar, dong do piga-piga parbarita na mambere bukuni na dob igarisi bani parlajar Bibel, anjaha patorangkon aha do gunani mambahen persiapan. Anggo ia domma mambahen persiapan, bere ma pujian

• Patuduh ma sonaha mambahen persiapan. Dobkonsi piga-piga hali marlajar, dong do piga-piga parbarita na mambahen panorang ni sidea marlajar Bibel igantihon gabe mangurupi parlajar Bibelni mambahen persiapan