Halani bahatni sitaronon, gabe urah-urah do hita maretek ni uhur. Tapi songon si Daud pos do uhurni boi do ia selamat humbani si Saul janah gabe raja ma holi ia songon janji ni Jahowa. (1Sam 16:13) Halani totap setia si Daud, ai ma na mangurupi ia totap sabar paimahon Jahowa.

Sanggah dong parsoalanta, marusaha do hita pasaloseihon ai domu bani na boi tarbahen hita. (1Sam 21:12-14; Pod 1:4) Age pe domma marusaha hita mangihutkon prinsip ni Bibel laho pasaloseihon ai, ra totap do adong sitarononta. Hassi pe sonai, sabar ma hita paimahon Jahowa. Sasapon-Ni do holi ganup sitaronon ampa “sagala iluh” humbani matanta. (Pangk 21:4) Halani ai, age pe dong sitarononta na lang boi isaloseihon sonari on, pos ma uhurta salpu do holi ganupan ai. Ai ma na boi mangapoh uhurta.

TONTON MA VIDEO UMAT YANG BERSATU DI DUNIA YANG TERBAGI. DOB AI BALOSI MA SUNGKUN-SUNGKUN ON:

• Tantangan aha do na iahapkon piga-piga hasomanta i bagian selatan Amerika Serikat?

• Sonaha sidea patuduhkon holong ampa hasabaron?

• Aha do na ibahen sidea ase totap idingat sidea ‘na sipontingan’?​—Pil 1:10