Si Daud boi monang manlawan si Goliat halani marpangunsandeian do ia bani Jahowa. (1Sam 17:45) Sihol tumang do Jahowa mangurupi ganupan juakjuak-Ni. (2Kron 16:9) Sonaha hita boi marpangunsandeian bani Jahowa, sedo bani pingkiran ampa pangalamanta sandiri? Dong tolu cara na porlu ibahen hita:

• Tongtong ma martonggo. Ulang ma hita martonggo pitah mangindo hasasapan ni dousa. Tapi martonggo ma hita laho mangindo hagogohon ase ulang mangkorjahon na lepak. (Mat 6:12, 13) Anjaha ulang ma hita martonggo pitah mangindo ase ipasu-pasu Jahowa haputusan na ibahen hita. Tapi martonggo ma homa mangindo hapentaran paima mambahen haputusan.​—Jak 1:5

• Tongtong ma mambasa janah mamparlajari Bibel. Basa ma Bibel bani ganup ari. (Ps 1:2) Anjaha rimangi ma contoh-contoh na dong ibagas Bibel janah dalankon ma na iparlajari nasiam. (Jak 1:23-25) Paima marbarita ampa martumpu bahen ma persiapan

• Unduk bani tugah-tugah na ibahen organisasi. Porlu do ibotoh hita tugah-tugah na terbaru janah mandalankon ganupan ai. (4Mus 9:17) Unduk ma homa bani tugah-tugah na ibere sintua.​—Heb 13:17

TONTON MA VIDEO JANGAN TAKUT PADA PENGANIAYAAN. DOB AI BALOSI MA SUNGKUN-SUNGKUN ON:

• Aha do na mambahen sanina botou mabiar?

• Aha do na mangurupi sidea bani situasi ai?