Sihol do Jahowa ase hita manombah Ia halani holong ni uhurta hu Bani. (Mat 22:37, 38) Jadi parlajar Bibelta pe porlu do mangkaholongi Jahowa. (1Joh 5:3) Ai do holi na mangojur ia mambahen hamubahon, ididi, janah totap setia bani Naibata age pe dong sitaronon.

Urupi hita ma sidea ase boi iahapkon sidea holong do uhur ni Naibata bani sidea. Sanggah marlajar nasiam, sungkun ma bani sidea, “Humbani ayat on, aha do na iparlajari ham pasal Jahowa?” atap “Humbani parlajaran on, aha do buktini ihaholongi Naibata do ham?” Urupi ma sidea ase boi mangahapkon sonaha Jahowa mangurupi sidea sadokah on. (2Kron 16:9) Boi do homa isaritahon nasiam sonaha Jahowa mambalosi tonggomu. Janah urupi ma homa sidea ase sidea pe boi mangidah sonaha Jahowa mambalosi tonggo ni sidea. Anggo lambin bagas holong ni sidea bani Jahowa, malas ma uhurta halani ai.

TONTON MA VIDEO BANTULAH PELAJAR ALKITAB UNTUK MENJALIN PERSAHABATAN DENGAN YEHUWA. DOB AI BALOSI MA SUNGKUN-SUNGKUN ON:

• Aha do tantangan ni si Jasmin?

• Sonaha si Nita mangurupi si Jasmin?

• Aha ma na ibahen si Jasmin laho mangatasi tantangan ai?