Somalni dong do hasomanta na orot. Umpamani, songon si Jonatan pakon si Daud. Dobkonsi ibunuh si Daud si Goliat, lambin orot ma si Jonatan pakon si Daud. (1Sam 18:1) Halani lambin bagas itanda si Daud sifat ni si Jonatan, sonai homa si Jonatan bani si Daud, ai ma na mambahen sidea lambin orot. Jadi ase boi hita orot pakon sasada halak, maningon bagas do itanda hita sifat-sifatni. Tongon sonari on urah do manorihi hasoman i jejaring atap media sosial. Tapi lang ganup sidea ai hasoman na bujur. Halani dong do halak na lang patugahkon ise do sasintongni sidea i media sosial. Halani ai, maningon jaga ma hita mamilih hasoman i media sosial. Jadi ulang ma mabiar manulak parhasomanan humbani halak na lang tangkas itanda hita. Halani bahaya ai, gabe buei do halak lang ra be manorihi hasoman humbani media sosial. Tapi anggo hanima totap mamakei media sosial, aha ma na porlu idingat hanima?

TONTON MA VIDEO MARUHUR MA MANGGUNAHON JEJARING SOSIAL. DOB AI BALOSI MA SUNGKUN-SUNGKUN ON:

• Aha do na porlu ipingkirhon hanima paima mangirim gambar atap komentar i media sosial?

• Mase porlu jaga hanima sanggah mamilih hasoman i media sosial?

• Mase porlu itontuhon hanima panorangmu sadiha dokah mamakei media sosial?​—Ep 5:15, 16