Ase malas uhur ni Naibata, urupi hita ma parlajar Bibelta ase toguh haporsayaonni. (Heb 11:6) Gunahon hita ma buku Hagoluhan na Martuah Sadokah ni Dokahni. Bani buku on dong fitur-fitur na manarik songon ayat kunci, hatorangan na masuk akal, sungkun-sungkun na hona bani uhur, video na manarik, pakon gambar na jenges. Ganupan ai boi mangurupi parlajar Bibel laho patuduhkon sifat-sifat Kristen na dear janah paorotkon parhasomananni pakon Naibata. Usih ma ai songon hita na pajongjongkon bangunan humbani bahan-bahan na tahan apuy.​—1Kor 3:12-15.

Halani Naibata lang boi ididah, adong na mangahap anggo ia lang boi marhasoman pakon Naibata. Halani ai, urupi hita ma sidea ase boi iahapkonni holong ni uhur ni Naibata.

TONTON MA VIDEO BANGUNLAH IMAN KEPADA YEHUWA MENGGUNAKAN BUKU “HIDUP BAHAGIA SELAMANYA!”. DOB AI, BALOSI MA SUNGKUN-SUNGKUN ON:

• Hunja ibotoh hita anggo hasomanta ai dear mambahen persiapan?

• Dobkonsi mambasa Jesaya 41:10, 13, sonaha ia manggunahon sungkun-sungkun laho mangurupi parlajar Bibelni ai?

• Aha do pengaruhni video ampa ayat ai bani parlajar Bibelni?

Sonari on bahat do halak na lang mangarusi artini tobusan. Dong do homa na marpangahap anggo tobusan ai sedo hubani dirini sandiri. (Gal 2:20) Halani ai, urupi hita ma sidea ase lambin porsaya bani tobusan ni Jesus.

TONTON MA VIDEO BANGUNLAH IMAN KEPADA YESUS MENGGUNAKAN BUKU “HIDUP BAHAGIA SELAMANYA!”. DOB AI, BALOSI MA SUNGKUN-SUNGKUN ON:

• Hunja ibotoh hita anggo hasomanta ai dear mambahen persiapan?

• Sonaha artikel na dong bani bagian “Tonggor Homa” boi mangurupi parlajar Bibelni?

• Mase martonggo ponting bani parlajar Bibel ai?