Sanggah mangidangi, ipatugah Jesus do homa barita na terbaru. (Luk 13:1-5) Nasiam pe boi mambahen na sisonai ase rosuh halak manangar barita na madear. Umpamani, boi do iulas ham pasal sunsah mansari duit, bencana alam, pamarentah na lang adil, kecanduan narkoba, atap na leganni. Dob ai, bahen ma sungkun-sungkun: “Anggo iahap ham, ai marujung do holi . . . ?” atap “Anggo iahap ham, aha ma na boi pasaloseihon . . . ?” Dob ai, basahon ma ayat ni Bibel na domu hujai. Anggo rosuh ia, patuduh ma video atap publikasi hun Alat laho Mangajarhon Bibel. Jadi, ‘haganup do ihorjahon hita halani ambilan na madear’, ase tarojur halak i daerahta manjalo baritanta.​—1Kor 9:22, 23.

Topik aha do ra na iharosuhkon halak i daerahmu?