Bani tanggal 23 Maret, dong hira-hira 12 juta tamu na sihol roh bani acara Pardingatan.[1] Hasaksian na jenges do on halani siparambilan holi patorangkon ambilan tarsingat tobusan na ibere Jahowa ampa pasu-pasu na laho idapot bani ari magira! (Jes 11:6-9; 35:5, 6; 65:21-23; Joh 3:16) Tapi, lang pitah siparambilan na mambere hasaksian bani acara on. Hita pe mambere hasaksian sanggah manjalo ganup tamu na roh. (Rom 15:7) On ma piga-piga cara.

• Tarsirom anjaha basar ma nasiam manjalo ganup tamu ampa parbarita na lang aktif, marimbangkon pitah hundul paimahon acara ipungkah

• Sanggah marbuali pakon sidea na iontang nasiam, pardiateihon homa tamu na roh halani iontang sanggah kampanye mambagihon ontangan. Arahkon ma sidea hundul rap pakon nasiam, ase boi rup nasiam mambasa Bibel pakon mandoding

• Dob salosei acara, sirsir ma mambalosi sungkun-sungkun ni sidea. Anggo lang sungkup panorang halani kuria na legan laho masuk use, bahen ma rencana laho manrohi sidea bani piga-piga ari na laho roh. Anggo lape adong nomor henponni bani nasiam, boi ihatahon nasiam, “Sihol uhurhu manangar pandapot ni nasiam tarsingat acara nongkan ai. Sonaha hita boi jumpah use?”