Ase parlajar Bibelta lambin bagas mananda Jahowa janah mambahen hamajuon, lang sungkup pitah rup marlajar Bibel pakon hita. Maningon ibahen ia do homa parlajaran pribadi. (Mat 5:3; Heb 5:12–6:2) Halani ai, maningon ibotoh ia ma sonaha mambahen parlajaran pribadi.

Dobkonsi iarahkon nasiam ia marlajar Bibel, patuduh ma sonaha mambahen persiapan bahan na laho iulas. (mwb18.03 6) Ojur ma ia ase martonggo paima mambahen parlajaran pribadi. Urupi ma ia manggunahon alat riset versi digital. Patuduh ma sonaha carani mangidah artikel ampa video JW Broadcasting^® na tarbaru i jw.org. Ojur ma ia ase mambasa Bibel bai ganup ari anjaha mambahen persiapan bahan na iulas i partumpuan. Sanggah dong sungkun-sungkunni, patuduh ma sonaha mambahen riset. Urupi ma homa ia manrimangi ganup na iparlajarisi.

TONTON MA VIDEO BANTULAH PELAJAR ALKITAB UNTUK MEMENUHI KEBUTUHAN ROHANI MEREKA. DOB AI BALOSI MA SUNGKUN-SUNGKUN ON:

• Sonaha si Nita mangurupi si Jasmine ase mangarusi anggo marlajar ai sedo pitah mangindahi jawaban dassa?

• Aha do na mangurupi si Jasmine ase pos uhurni marguna do parentah ni Jahowa na manlarang mangkorjahon seks na so patut?

• Aha do na iarusi si Jasmine pasal artini manrimangi?