Anggo dakdanak na adong i rumah, porlu do hita marsahap pakon namatorasni, halani on pataridahkon hormat bani sidea. (Pod 6:20) Anggo iontang dakdanak ai hita masuk hu rumahni, ulang ra hita. Anggo namatorasni lang dong i rumah, bani panorang na legan ma hita roh use.

Anggo ia domma remaja, hira-hira marumur 15-19 tahun, porlu do homa hita marsahap pakon namatorasni. Anggo namatorasni lang dong, boi isungkun hita hu bani, setuju atap lang namatorasni anggo ia mamilih basaanni. Anggo ra do ia, boi ibagihon hita buku-bukunta atap pe pataridahkon situs jw.org hu bani.

Sanggah roh use hita bani anak remaja na marosuh ai, porlu do hita jumpah pakon namatorasni. Panorang na dear do on laho patugahkon tujuanta janah patuduhkon anggo podah hun Bibel marguna janah boi ihaporsayai bani kaluarga. (Ps 119:86, 138) Anggo hita pataridahkon hormat bani namatorasni, on gabe hasaksian na dear janah bani panorang na legan, boi do homa hita patugahkon barita na madear bani kaluargani.—1Ptr 2:12.