Sadokah bulan November, iulas hita do sada topik khusus pasal dunia na baru na domma lambin dohor. (Ps 37:10, 11; Pangk 21:3-5) Halani ai, bahen ma jadwal ase boi nasiam mambere lambin bahat panorang laho marbarita. Bani bulan ai, boi do ipilih nasiam 30 atap 50 jam laho merintis ekstra.

Sanggah marbarita, patugah ma sada ayat na mangulas pasal dunia na baru hubani tiap halak na ijumpahi nasiam. Pilih ma ayat na sosok bani halak i iananmu marbarita. Anggo marosuh sidea manangar baritanta, bere ma Menara Pengawal No. 2 2021. Janah ulang ma padokah-dokah laho manrohi use. Anggo sosok, pungkah ma marlajar Bibel manggunahon brosur Hagoluhan na Martuah Sadokah ni Dokahni. Tontu malas tumang uhurta mambere lambin bahat panorangta laho mambaritahon ‘ambilan na madear’.​—Jes 52:7.

TONTON MA VIDEO MUSIK DALAM DUNIA BARU, DOB AI BALOSI MA SUNGKUN-SUNGKUN ON:

• Aha do na ibayangkon dakdanak ai?

• Aha do na ipaima-ima ham i dunia na baru?

• Anggo ibayangkon hita pangarapanta bani ari simagira, mase ai boi mangurupi hita lambin ringgas mambaritahon ai bani bulan November?​—Luk 6:45