Tontu malas tumang do uhurta halani domma adong brosur ampa buku na baru na ipakei hita laho mangajari halak marlajar Bibel. Tonggohon hita ma ase lambin bahat na boi iurupi hita marlajar Bibel! (Mat 28:18-20; 1Kor 3:6-9) Sonaha carani manggunahon publikasi na baru ai?

Publikasi Hagoluhan na Martuah Sadokah ni Dokahni irancang ase hita bahat mardiskusi pakon parlajar Bibelta. Halani ai, dong cara na baru na porlu iihutkon hita sanggah mambahen persiapan ampa mangajari sasahalak marlajar Bibel. *

• Basa ma bahanni, janah ulas ma sungkun-sungkunni

• Basa ma ayat “basa”, janah urupi ma parlajar Bibelmu mangarusi ayat ai

• Putar ma videoni janah ulas ma manggunahon sungkun-sungkun na dong ijai

• Dear do mintor isaloseihon sada parlajaran sanggah marlajar

Sanggah marbarita, brosurni ma lobei ibere laho mambotoh marosuh do ia marlajar Bibel atap lang. (Tonggor ma kotak “ Sonaha Manawarhon Brosur Hagoluhan na Martuah Sadokah ni Dokahni Sanggah Marbarita”.) Dob salosei brosur ai iparlajari janah ra ope ia marlajar, bere ma buku ai hu bani. Janah pungkah ma parlajaran 04. Tapi anggo ia domma marlajar manggunahon buku Na Iajarhon Bibel atap Kasih Allah, boi do mintor igantih ham buku parlajaranni manggunahon buku Hagoluhan na Martuah Sadokah ni Dokahni. Janah toruskon ma topik parlajaranni bani buku na baru ai.

TONTON MA VIDEO SELAMAT MENIKMATI PELAJARAN ALKITAB ANDA!, DOB AI BALOSI MA SUNGKUN-SUNGKUN ON:

• Aha do na laho iparlajari parlajar Bibelta humbani buku na baru ai?

• Mase porlu iputar hita video ai bani parlajar Bibel na baru?

• Tujuan aha do na porlu ibahen nasiam sanggah mangajari parlajar Bibelmu?​—Tonggor ma kotak “ Tujuan ampa na laho Ibahen Parlajar Bibel bani Tiap Bagian”