Anggo dear parhajabuanta, boi do ai pasangapkon Jahowa janah mambahen malas uhur. (Mrk 10:9) Jadi ase boi martuah parhajabuanmu, maningon iihutkon ham do prinsip ni Bibel sanggah mamilih ise na laho gabe suami atap istrimu.

Dear do anggo ham marpacaran sanggah domma ‘sungkup umurmu’. Mase? Halani anggo maposotu ope ham, ra do pitah mangihutkon hisap-hisap ni daging ham sanggah mambahen haputusan. (1Kor 7:36, NW) Jadi dearan do ipatoguh ham lobei parhasomananmu pakon Naibata anjaha marusaha ma ase lambin dear sifat-sifatmu. Marguna tumang do ai sanggah marhajabuan holi ham.

Paima marhajabuan ham, porlu do ibotoh ham sonaha sifat-sifat ni pasanganmu. (1Ptr 3:4) Anggo dong sifatni na lang sosok iahap ham janah mambahen haru uhurmu, ulas ma ai pakonsi. Anjaha dingat ma homa anggo domma marhajabuan holi ham, maningon ipalobei ham do haporluan ni pasanganmu marimbangkon haporluanmu sandiri. (Pil 2:3, 4) Anggo domma idalankon ham prinsip ni Bibel humbani sonari, lambin urah ma ham mandalankon ai ibagas parhajabuanmu. Ai do na mambahen martuah parhajabuanmu.

TONTON MA VIDEO PERSIAPAN MENIKAH​—BAGIAN 3: “MENGHITUNG BIAYANYA”. DOB AI, BALOSI MA SUNGKUN-SUNGKUN ON:

• Mungkahni, sonaha do pangahap ni botou ai sanggah baru marpacaran ia pakon si Shane?

• Dob lambin dokah ia marpacaran, aha do na itonggor ia humbani halletni ai?

• Sonaha namatorasni mangurupi botou ai, janah haputusan aha do na ibahen ia?