Ai marosuh do ham bani video ampa sungkun-sungkun na dong bani buku Hagoluhan na Martuah Sadokah ni Dokahni? Tontu marosuh do homa ham bani bagian “Anggo Dong na Mangkatahon”, “Na Laho Ibahen”, pakon “Tonggor Homa”. Tapi dong do homa fitur na legan na boi mangurupi ham sanggah mambahen parlajaran Bibel.​—Mat 28:19, 20.

Video, Artikel, pakon Rokaman Audio: Anggo rosuhan ham mamakei buku na tarsetak sanggah mambahen parlajaran Bibel, dong cara ase lambin urah ham mangidah video atap pe artikel bani parlajaran ai. Buka ma versi elektronik buku ai, janah pilih ma i bagian ija do parlajaran ai ibahen. Bani ujung ni daftar parlajaran i bagian ai, dong ibahen fitur video, artikel, pakon rokaman audio. Dob ai, pilih ma video atap artikel na sihol ididah ham. (Tonggor ma gambar 1.)

Fitur “Versi Tercetak”: Hassi pe ham mamakei versi elektronik sanggah mambahen parlajaran Bibel, tapi boi do homa ididah ham versi na tarsetak i JW Library. Tujuan ni fitur on, ai ma laho mangurupi ham ase boi langsung mangidah tema atap pe gambaran na laho iulas bani parlajaran ai. Pilih ma titik tolu i bagian atas sabolah kanan bani parlajaran ai, dob ai pilih ma “Versi Tercetak”. Anggo sihol ham use mangidah versi elektronik, pilih ma i titik tolu ai “Versi Digital”.

“Aha do na Porlu Hubahen?”: Bani bagian on, ipatugah do persyaratanni sasahalak ase boi marbarita ampa ididi. Bagian on adong dobkonsi “Bagian 4 na Dob Iparlajari”. (Tonggor ma gambar 2.)

Hatorangan Tambahan: Bani bagian on, dong hatorangan na mangurupi parlajar Bibel ase lambin tangkas mangarusi pasal piga-piga topik. Anggo ipakei ham versi elektronik, dong link bani ujung ni tiap hatorangan tambahan na mangurupi ham mulak use bani parlajaran na iulas. (Tonggor ma gambar 2.)