Aha do na Laho Salpu Dob Roh Harajaon ni Naibata?
“Laho salpu do dunia on ampa rosuh-rosuhni, tapi sihorjahon rosuh ni Naibata, totap do ronsi sadokah ni dokahni.”
DODING: 134, 24
1, 2. (a) Sonaha dunia on usih songon parjahat na laho iuhum matei? (Idah gambar i atas.) (b) Dob iripaskon dunia on, sonaha do pangahap ganup na i surga ampa i tanoh on?
PINGKIRHON ma on. Adong sahalak parjahat na iboan panjaga laho iuhum matei. Hassi pe parjahat ai manggoluh ope janah sehat idahon, tapi laho matei mando ia.
2 Dunia na jahat on usih songon parjahat na laho iuhum matei ai. Bibel mangkatahon: “Laho salpu do dunia on.” (1 Joh. 2:17) Jadi domma itotapkon Jahowa, lang piga dokah nari ripaskonon-Ni do dunia on, janah pos do uhurta bani hata-Ni. Tapi dong do na mambahen legan ujung ni dunia on pakon parjahat nongkan ai. Adong na lang setuju anggo parjahat ai iuhum matei halani panguhuman ai lang pintor. Tapi panguhum na pintor do Jahowa, jadi sintong do haputusan-Ni laho manripaskon dunia on. (5 Mus. 32:4) Maningon saud do ai. Dob iripaskon dunia on, ganup na i surga ampa na i tanoh on mangkatahon pintor do panguhuman ni Jahowa ai. Malas do uhur halani ai!
3. Ompat parsoalan aha do na laho salpu sanggah roh Harajaon ni Naibata?
Mat. 24:14) Bani artikel on, iulas hita ma ompat parsoalan na laho salpu sanggah roh Harajaon ni Naibata, ai ma: parjahat, organisasi na jahat, parlahou na masambor, ampa situasi na sambor. Humbani na ompat ai iparlajari hita ma (1) aha do pangkorhonni hubanta, (2) aha do na laho bahenon ni Jahowa, janah (3) aha do na laho manggantihon ai.
3 Aha do artini “laho salpu do dunia on”? Ganup hajahaton i tanoh on salpu mando ai, janah lang adong be. Sasintongni, on ma ‘Ambilan Na Madear pasal Harajaon’. (PARJAHAT
4. Aha do pangkorhon ni parjahat hubanta?
4 Aha do pangkorhon ni parjahat hubanta? Ihatahon apostel Paulus bani ari parpudi on roh ma “ari hasunsahan”. Ihatahon use,“Halak parjahat ampa sipangoto-otoi sai na lambin jahat do.” (2 Tim. 3:1-5, 13) Sonai do pangahap ni nasiam? Bahat do jolma na marsitaronon ibahen parjahat. Dong do halak na patuduhkon hajahatonni. Adong do na ipakulah-kulah laho mangurupi, hape sasintongni ia do parjahat ai. Hassi pe lang ongga hajahaton ai ibahen hubanta, tapi tong do adong pangkorhonni hubanta. Borit do uhurta sanggah itangar hita dong na manjahati dakdanak, na matua ampa halak na galek. Aha na ibahen parjahat ai mambahen sidea songon binatang panoroh ampa sibolis. (Jak. 3:15) Malas do uhurta halani dong pangarapan na binere ni Jahowa.
5. (a) Aha do na ibere Jahowa bani parjahat? (b) Aha do na laho masa bani sidea na lang ra mambahen hamubahon?
5 Aha do na laho bahenon ni Jahowa? Ronsi sonari, ibere Jahowa do panorang bani parjahat ase manadingkon hajahatonni. (Jes. 55:7) Paima iripaskon dunia on, ibere ope panorang bani sidea ase mubah. Aha do na masa bani sidea na lang ra mambahen hamubahon ronsi roh hamarsikon banggal? Marjanji do Jahowa ripaskonon-Ni do ganup parjahat hun tanoh on. (Basa Psalmen 37:10.) Sonari buei do halak na paponopkon hajahatonni, janah somal do sidea lang iuhum. (Job 21:7, 9) Tapi dingat ma na ihatahon Bibel, “Itulimati panonggor-Ni do dalan ni ganup jolma, anjaha ididah do sagala langkah-langkahni. Seng dong na golap barang na lotir; na tarbahen parponopan ni halak sihorjahon hajahaton.” (Job 34:21, 22) Lang adong na ponop i lobei ni Jahowa. Ia mambotoh ganup hajahaton na ibahen parjahat. Dobkonsi Harmagedon, anggo ipindahi hita parjahat ai, seng do be sidea halani domma salpu sidea sadokah ni dokahni!
6. Ise do na tongtong adong dob iripaskon parjahat, janah mase ai barita na madear?
6 Ise do na tongtong adong dob iripaskon parjahat? Ibagahkon Jahowa do, “Na lamlam maruhur do sitean tanoh in, anjaha hamalaskonon ni uhur ni sidea do hadameion na gok.” Ps. 37:11, 29) Ise do halak “na lamlam maruhur” ampa “parpintor” ai? Na lamlam maruhur ai ma sidea na ra marlajar janah manangihon Jahowa. Parpintor ai ma sidea na mangkaholongi Naibata janah rosuh mangkorjahon parentah-Ni. Sonari, bahatan do parjahat marimbangkon parpintor i dunia on. Tapi bani dunia na baru pitah na lamlam maruhur ampa parpintor do na adong, janah sidea holi mambahen tanoh on gabe paradeiso!
Bani psalmen ai ihatahon do homa, “Teanon ni halak parpintor do tanoh in, anjaha tongtong do sidea marianan ijin.” (ORGANISASI NA JAHAT
7. Aha do pangkorhon ni organisasi na jahat hubanta?
7 Aha do pangkorhon ni organisasi na jahat hubanta? Bahat do hajahaton ibahen organisasi ni dunia on. Kahou do marjuta halak ibahen organisasi ugama. Umpamani, sidea lang mangajarhon hasintongan pasal Naibata, ihatahon do lang sintong isi ni Bibel, janah ioto-otoi do halak pasal pangarapan ni manisia bani ari simagira. Pamarentah na jahat setuju bani parporangan, mangkasogamkon bangsa na legan, anjaha manunsahi sidea na masombuh. Lambin bayak ampa markuasa do pamarentah ai halani martonggor jumbak ampa manjalo sisip atap suap. Bahat do perusahaan atap badan hukum na paruhur haut na pasedahon lingkungan ampa sumber daya alam atap mambuat untung humbani na legan. Jadi sidea do na martanggung jawab bani buei sitaronon i sab tanoh on.
8. Aha do na ihatahon Bibel na laho masa bani ganup organisasi na jahat?
8 Aha do na laho bahenon ni Jahowa? Hamarsikon banggal ipungkah sanggah organisasi politik manripaskon ganup organisasi ugama na ladung, na ilimbagahon Bibel songon boru jalang na igoran Babilon na Bolon. (Pangk. 17:1, 2, 16; 18:1-4) Seng dong be organisasi ugama na ladung. Tapi, aha na masa bani ganup organisasi na jahat? Bani Bibel, ilimbagahon doskon pulou ampa dolog do sidea halani songon na gogoh idahon. (Basa Pangungkabon 6:14.) Tapi ipatorang use, haganup organisasi na jahat ai iripaskon Harajaon ni Naibata do holi. In ma ujungni hamarsikon banggal. (Jer. 25:31-33) Dobkonsi ai, lang adong be organisasi na jahat!
9. Mase pos uhurta anggo dunia na baru dear do holi ibobahon?
9 Aha do na laho manggantihon organisasi na jahat? Dob Harmagedon, ai adong ope organisasi i tanoh on? Bibel patugahkon, “Na paima-imahon do hita bani langit na baru pakon tanoh na baru, ianan ni hapintoron in, domu hubani bagah-bagah-Ni.” (2 Ptr. 3:13) Sonari, organisasi na jahat do na manrajai manisia. Dob iripaskon sidea, aha do na manggantihon ai? “Langit na baru pakon tanoh na baru.” Langit na baru ai ma pamarentahan na baru, sada Harajaon na iparentah Jesus pakon 144.000 halak na iminaki. Iusihi sidea do holi Jahowa, Naibata na taratur. (1 Kor. 14:33) Tanoh na baru ai ma halak na gabe rayat ni Harajaon ai. Ipilih do holi dalahi na bujur mambobahon i tanoh na baru laho paturei-tureihon tanoh on. (Ps. 45:17) Sidea mangirikkon parentah ni Jesus ampa 144.000 halak ai. Pingkirhon ma sonaha do holi sanggah ganup organisasi na jahat igantihon sada organisasi na lang ongga mambahen hajahaton!
PARLAHOU NA SAMBOR
10. Parlahou na sambor aha do na dong bani ianan ni nasiam, janah aha do pangkorhonni bani nasiam ampa kaluarga?
10 Aha do pangkorhon ni parlahou na sambor hubanta? Hita tading bani dunia na bahat mangkorjahon parriah-riahon, na lang sintong, ampa na jahat. Songon na jenges do idahon dunia hiburan, hape domma manlembang humbani aturan ni Naibata. (Jes. 5:20) Maningon jaga do namatoras janah mangurupi niombahni ase ulang mangkorjahon na sambor. Sasintongni, ganup halak Kristen maningon do pongkut manjaga parhasomananni pakon Jahowa humbani dunia na lang mangkargai aturan-Ni.
11. Aha do iparlajari hita humbani panguhuman ni Jahowa bani Sodom ampa Gomora?
11 Aha do na laho bahenon ni Jahowa bani hasamboron na masa? Pingkirhon ma aha na ibahen Jahowa bani huta Sodom ampa Gomora na mangkorjahon hasamboron. (Basa 2 Petrus 2:6-8.) Parpintor do si Lot, janah sunsah do pangahapni ampa kaluargani halani sidea tading bani ianan na bahat mangkorjahon na sambor. Jadi iripaskon Jahowa ma huta ai ampa sidea na mangkorjahon na jahat. Tapi “lumba-lumba bani siparjahat” do ai sonari bahenon-Ni. Sonaha Jahowa manripaskon hasamboron ijia, sonai do homa bahenonni bani dunia on.
12. Aha do na sihol ihorjahon nasiam bani dunia na baru?
12 Aha do na laho manggantihon horja na sambor? Bani dunia na baru, bahat do holi horja na pamalaskon uhur. Umpamani, mambahen tanoh on gabe paradeiso janah pajongjongkon rumahta sandiri ampa rumah ni sidea na ihaholongi hita. Dob ai, mangalo-alo marjuta halak na ipapuho janah mangajari sidea pasal Jahowa ampa pambahenan-Ni. (Jes. 65:21, 22; Lah. 24:15) Bani panorang ai, buei do horja na pamalaskon uhur ampa na pasangapkon Jahowa!
SITUASI NA SAMBOR
13. Sonaha do ujungni dobkonsi masa hajahaton i pohon Eden?
13 Aha do pangkorhon ni situasi na sambor hubanta? Gabe lambin sambor do situasi i dunia on halani bahat parjahat, organisasi na jahat, ampa parlahou na sambor. Gabe sunsah ma hita halani parporangan, adong na mangapasi sukunta, hasombuhon, boritan, ampa hamatean. Situasi na sambor on, mungkahni halani Sibolis, si Adam, pakon si Hawa manlawan dompak Jahowa.
14. Aha do na laho bahenon ni Jahowa bani situasi na sambor?
Psalmen 46:9, 10.) Seng dong be na boritan. (Jes. 33:24) Seng dong be hamatean. (Jes. 25:8) Seng dong be hasombuhon. (Ps. 72:12-16) Sasapon-Ni do ganup hasamboron na mambahen sunsah goluhta. Anjaha lang adong be hasunsahan halani Sibolis atap pe begu-beguni!
Pingkirhon ma sonaha dunia on anggo lang adong porang, naborit, ampa hamatean! (Idah paragrap 15)
15. Aha do na laho salpu dobkonsi Harmagedon?
15 Pingkirhon ma sonaha do holi dunia on sanggah lang dong be porang, naborit, ampa na matei! Tontu lang be porlu tentara ampa sinjata. Lang be ihaporluhon rumah sakit, dokter, perawat, rumah partangisan atap kuburan. Halani lang adong be parjahat, lang be ihaporluhon polisi, satpam, atap lang be porlu kunsi ni rumah! Salpu ma ganup na mambahen hita holsohan ronsi sadokah ni dokahni.
16, 17. (a) Sonaha pangahap ni sidea na maluah humbani Harmagedon? Patorang ma. (b) Sonaha do bahenon ase pos uhurta anggo hita boi tongtong manggoluh dob salpu dunia na jahat on?
16 Dob salpu situasi na sambor, sonaha do hagoluhanta holi? Tontu lang urah mamingkirhon ai. Halani domma dokah dong parsoalan i tanoh on, gabe somal ma iahap hita ai. Usih songon halak na tading dohorhon ni stasiun kareta api, gabe somal ma ia manangar sora na ribut. Sonai homa halak na tading dohorhon pambuangan ni sampah, gabe somal ma ia manganggoh bau ni sampah ai. Tapi dob isasap Jahowa ganup situasi na sambor, malas tumang ma uhurta!
17 Aha do na manggantihon situasi na sambor ai? Psalmen 37:11 mangkatahon, “Hamalaskonon ni uhur ni sidea do hadameion na gok.” Tarapoh do uhurta halani mambotoh ai do harosuh ni Jahowa hubanta! Hassi pe ibagas dunia na sunsah, totap ma hita dohor hu Bani ampa organisasi-Ni. Maharga do pangarapan ai. Jadi tongtong ma pingkirhon ai, janah baritahon bani na legan. (1 Tim. 4:15, 16; 1 Ptr. 3:15) On boi mambahen pos uhurmu, na laho salpu ma dunia na jahat on, janah nasiam boi tongtong manggoluh janah marmalas ni uhur!