“Marpangarapan do Ahu bani Naibata”
“Si Adam na parpudi gabe Tonduy na pagoluhkon.”—1 KOR. 15:45.
1-3. (a) Ajaran dasar pasal aha do na lang boi ihalupahon hita? (b) Mase ponting tumang pangarapan parpuhoon ai? (Tonggor ma gambar bani alm. 9.)
AHA do balosmu anggo dong halak na manungkun pasal haporsayaon ni nasiam? Ra do ihatahon ham porsaya do ham anggo Jahowa, ai ma Sitompa janah Ia do na mambere hagoluhan. Dob ai, porsaya do ham anggo Jesus matei gabe tobusan. Na leganni, porsaya do ham pasal Paradeiso na saud bani ari simagira i tanoh on, janah ijai ma juakjuak ni Naibata boi tongtong manggoluh. Tapi ongga do ipatugah ham anggo ham porsaya bani pangarapan parpuhoon?
2 Tontu sihol do hita ase tongtong manggoluh janah maluah humbani hamarsikon banggal. Tapi dear do anggo hita totap porsaya bani pangarapan parpuhoon. Halani ipatugah apostel Paulus, ponting tumang do pangarapan ai. Ia mangkatahon, “Tapi, anggo seng adong parpuhoon humbani na matei, Kristus pe seng puho 1 Korint 15:12-19.) Tapi domma ibotoh hita anggo Jesus tongon-tongon do puho. Halani ai, hita lang songon halak Sadukei na lang porsaya bani parpuhoon. Porini pe dong na mangejek hita halani porsaya bani parpuhoon, tapi maningon totap ma hita porsaya anggo Jahowa boi papuhohon halak na matei.—Mrk. 12:18; Lah. 4:2, 3; 17:32; 23:6-8.
humbani na matei.” Jadi anggo Jesus lang ipapuho, lang boi ma ia mamarentah i surga, anjaha soya-soya ma hita marbarita. (Basa3 Ihatahon si Paulus do anggo “parpuhoon ni halak na dob matei”, ai ma “podah pamungkah [ajaran dasar] pasal Kristus”. (Heb. 6:1, 2) Ia pe porsaya do bani parpuhoon. (Lah. 24:10, 15, 24, 25) Jadi parpuhoon ai, ai ma sada ajaran dasar ibagas Bibel. Hassi pe domma ongga iparlajari hita, tapi dear do anggo lambin bagas pangarusionta pasal ai. (Heb. 5:12) Mase?
4. Sungkun-sungkun aha do na porlu ibotoh hita balosni pasal parpuhoon?
4 Sanggah sasahalak marlajar Bibel, domma iparlajarini pasal parpuhoon. Umpamani, parpuhoon ni si Lasarus. Anjaha iparlajari sidea do homa anggo si Abraham, si Job, ampa si Daniel, porsaya adong parpuhoon bani ari simagira. Tapi sonaha anggo adong na manungkun nasiam sonon, ‘Halani domma marribu tahun na dob salpu parpuhoon ai ijanjihon Naibata, mase ma nasiam boi porsaya bani pangarapan ai? Ai dong do ipatugah bani Bibel, attigan do saud pangarapan ai?’ Balos ni sungkun-sungkun ai boi do patoguhkon haporsayaonta.
SADA HALAK NA IPAPUHO DOBKONSI MARRATUS TAHUN ISURATKON
5. Aha do na parlobei na sihol iulas hita?
5 Tontu boi do ibayangkon hita anggo dong na baru matei boi puho use. (Joh. 11:11; Lah. 20:9, 10) Tapi, ai porsaya do hita anggo halak na matei ai boi manggoluh use bani ari simagira? Sasintongni, dong do masa sada parpuhoon dobkonsi dokah ijanjihon, anjaha porsaya do hita pasal parpuhoon ai. Parpuhoon ni ise ma ai? Anjaha, mase ma ai boi patoguhkon haporsayaonta pasal parpuhoon? On ma na laho iulas hita lobei.
6. Sonaha do Psalmen 118 saud bani Jesus?
6 Ulas hita ma Psamen 118, na patugahkon sada parpuhoon na domma dokah ijanjihon, tapi saud dobkonsi marribu tahun. Ra do si Daud na manuratkon buku Psalmen ai, adong ijai ihatahon, “Ham Jahowa, urupi Ham ma!” ampa “Pinasu-pasu ma na roh marhitei goran ni Jahowa”. On saud do bani Jesus. Bani tanggal 9 Nisan, sanggah Jesus roh hu Jerusalem, bahat do halak ijai mangkatahon na tarsurat bani ayat ai. (Ps. 118:25, 26; Mat. 21:7-9) Jadi sonaha do Psalmen 118 boi homa patoguhkon anggo parpuhoon boi do saud bani ari simagira? Bani psalmen ai dong do use ihatahon, “Batu na niambukkon ni tuhang, ai do gabe palas parsuhi.”—Ps. 118:22.
Itulak “tuhang” do Mesias (Tonggor ma paragrap 7)
7. Aha do na ibahen halak Jahudi bani Jesus?
7 “Tuhang” bani ayat ai, ai ma pambobai Luk. 23:18-23) Halani ai, boi ma ihatahon dihut do sidea mamunuh Jesus.
ni halak Jahudi na lang mangakui anggo Jesus ai Mesias. Lang pitah ai, ipindo sidea do homa bani si Latus, ase iuhum matei Jesus. (Ipapuho Naibata do Jesus gabe “batu parsuhi” (Tonggor ma paragrap 8, 9)
8. Sonaha Jesus boi gabe “batu parsuhi”?
8 Anggo Jesus ibunuh, sonaha ma ia boi gabe batu atap “palas parsuhi”? Ase saud ai, maningon ipapuho ma ia. Laho patorangkon pasal on, ibahen Jesus ma sada sarita. Bani sada ari, isuruh parjuma ma jabolonni laho manjumpahi na marhorja i jumani. Tapi lang itangihon sidea jabolon ai, janah dong homa na ibunuh. Jadi isuruh parjuma ai ma anakni laho manjumpahi parhorja ai. Nini uhurni, ‘Anggo anakku na roh, itangihon sidea ma ia.’ Hape ibunuh sidea do anakni ai . . . Dob salosei ipatugah Jesus sarita ai, ihatahon Jesus ma na tarsurat bani Psalmen 118:22. (Luk. 20:9-17) Sonai homa apostel Petrus sanggah ia jumpah pakon “pangintuai-pangintuai ampa sibotoh surat” na martumpu i Jerusalem, ihatahonni ma songon na bani ayat ai. Ihatahonni ma, anggo Jesus Kristus domma ibunuh sidea, “tapi na pinapuho ni Naibata humbani na matei.” Dob ai nini use, “Ia do in, batu na niambukkon ni nasiam tukang, na dob gabe batu parsuhi.”—Lah. 3:15; 4:5-11; 1 Ptr. 2:5-7.
9. Aha do na ibotoh hita pasal Jesus humbani Psalmen 118:22?
9 Jadi tangkas ma, ayat bani Psalmen 118:22 patorangkon pasal parpuhoon na laho masa marratus tahun dobkonsi ayat ai isuratkon. Humbani ayat ai, ibotoh hita ma laho itulak janah ibunuh do Jesus. Tapi ipapuho do use ia janah gabe batu parsuhi. Halani Jesus domma ipapuho, pitah hu bani do ibere goran na sangap janah ia ma na gabe parhiteianta hu haluahon.—Lah. 4:12; Ep. 1:20.
10. (a) Aha do na ipatugah bani Psalmen 16:10? (b) Hunja ibotoh hita anggo ayat ai sedo bani si Daud?
10 Sonari ulas hita ma ayat na legan na patuduhkon tongon-tongon do adong parpuhoon. Hita mambasa na ihatahon si Daud bani Psalmen 16, ‘seng anjai ondoskonon-Mu ahu hu nagori toruh, anjaha seng paturuton-Mu halak na daulat Bamu mangidah hamarsikon’. (Ps. 16:10) Ijon si Daud lang mangkatahon anggo ia tongtong do manggoluh. Halani songon na ibotoh hita humbani Bibel, matua janah “modom ma si Daud rap pakon ompung-ompungni, anjaha itanom ma ia i huta ni si Daud”. (1 Raj. 2:1, 10) Jadi, ayat ai saud marribu-ribu tahun dobkonsi ai isuratkon. Tapi bani ise do ayat ai saud?
11. Sadihari do si Petrus patugahkon parsaud ni ayat bani Psalmen 16:10?
11 Lobih humbani saribu tahun dob isuratkon si Daud ayat ai, ipatugah si Petrus ma bani ise do ayat ai saud. Dobkonsi piga-piga minggu Jesus matei janah ipapuho, marsahap ma ia bani marribu halak Jahudi pakon na lang Jahudi. (Basa Lahoan ni Apostel 2:29-32.) Ihatahonni do anggo si Daud ujungni matei do janah itanom. Tapi nini homa anggo si Daud sandiri, “ibagas botohni hinan domma isahapkon pasal parpuhoon ni Kristus”. Lang dong ihatahon Bibel anggo halak na manangar ai lang setuju bani hata ni si Petrus ai.
12. Sonaha do ayat bani Psalmen 16:10 saud, anjaha aha do parlajaranni hubanta?
12 Dob ai, ihatahon si Petrus do homa na tarsurat bani Psalmen 110:1. (Basa Lahoan ni Apostel 2:33-36.) Marhitei ayat ai, ipatugah si Petrus do bani halak na legan anggo Jesus domma ipilih gabe “Kristus”. Ibotoh halak ai ma Psalmen 16:10 saud bani Jesus sanggah ia ipapuho. Sonai homa apostel Paulus pe ongga do patugahkon pasal ayat ai, sanggah marsahapi ia pakon halak Jahudi na i Antiokia Pisidia. Gabe tarsonggot ma halak na manangar ai janah sihol manangar lambin bahat hata ni si Paulus. (Basa Lahoan ni Apostel 13:32-37, 42.) Marhitei sarita ai, hita pe boi ma lambin porsaya bani pangarapan parpuhoon, hassi pe ai isuratkon domma marribu tahun na salpu.
ATTIGAN DO PANGARAPAN PARPUHOON AI MASA?
13. Aha do hira-hira na isungkun hita pasal parpuhoon?
13 Tontu, malas do uhurta halani mambotoh tongon do adong parpuhoon, hassi pe ai ipatugah marribu tahun na salpu. Tapi ra do sungkun-sungkun hita, ‘Sadiha dokah ma ahu paimahon ase ipapuho halak na huhaholongi ai? Attigan do masa pangarapan parpuhoon ai?’ Ongga do ipatugah Jesus bani susianni, dong do na lang ibotoh sidea janah seng urusan ni sidea laho mambotoh ai. Umpamani, dong do panorang “na dob tinontuhon ni Bapa in ibagas kuasa-Ni sandiri”. (Lah. 1:6, 7; Joh. 16:12) Hassi pe sonai, marhitei hatorangan hun Bibel, boi ibotoh hita attigan do masa parpuhoon ai.
14. Aha do na mambahen legan parpuhoon ni Jesus pakon halak na legan na dob ipapuho?
14 Parpuhoon na sipontingan na isuratkon ibagas Bibel, ai ma parpuhoon ni Jesus. Mase? Anggo Jesus lang ipapuho, hita pe lang boi pajumpah pakon halak na hinaholongan, na dob matei. Legan do parpuhoon ni Jesus Rom 6:9; Pangk. 1:5, 18; Kol. 1:18; 1 Ptr. 3:18.
pakon halak na ipapuho si Elias pakon si Elisa. Sidea na ipapuho ai matei do use ujungni. Tapi anggo Jesus ‘domma puho ia humbani na matei, seng matei be; seng irajai hamatean in be ia’. Manggoluh do Jesus ronsi “sadokah ni dokahni” i surga.—15. Ise do na parlobei ipapuho na laho naik hu surga?
15 Jesus do na parlobei sahali na ipapuho na laho naik hu surga. (Lah. 26:23) Tapi lang pitah ia na ipapuho hu surga. Ongga do ihatahonni bani susianni, na laho mamarentah do sidea rap pakonsi i surga. (Luk. 22:28-30) Tapi ijalo sidea do upah ai, dobkonsi matei sidea. Usih songon Jesus, ipapuho ma sidea laho manggoluh hu surga. Sosok ma on songon na ihatahon si Paulus, “Domma puho Kristus humbani na matei, Ia do parlobei ni sagala na dob modom in.” Dob ai, nini do use, ‘Tapi ganup ma mangihutkon parjojorni; parlobei Kristus, dob ai na bani Kristus bani parrohni ai.’—1 Kor. 15:20, 23.
16. Attigan do sasada halak ipapuho hu surga?
16 Humbani hata ni si Paulus ai, ibotoh hita ma attigan do sasada halak ipapuho hu surga. In ma sadokah parroh ni Kristus. Domma iarusi Saksi-Saksi Jahowa humbani Bibel anggo “parroh” ni Kristus, imulai ma ai humbani tahun 1914. Anjaha sonari, hita domma manggoluh bani “parroh” ni Kristus, tongkin nari mando iripaskon ma parjahat i tanoh on.
17, 18. Aha do na masa bani sasada halak na iminaki sadokah parroh ni Kristus?
17 Ambahni ai, ipatorang Bibel do use pasal halak na laho ipapuho hu surga, “Seng marosuh hanami, nasiam sanina, seng dong pambotoh nasiam pasal halak na dob modom in . . . Ai anggo porsaya hita, na dob matei do Jesus anjaha puho, sonai ma homa marhitei Jesus, arahkonon ni Naibata do na dob modom in rap pakon-Si . . . Hita, na manggoluh, na tading ronsi parroh ni Tuhan in, seng lobeianta sidea, na dob modom in. Ai Tuhan in sandiri ma tuad hun nagori atas marhasoman surak-surak, . . . Jadi puho ma parlobei na matei ibagas Kristus. Dob sonai, hita na manggoluh in, na tading in ope, tarikon-Ni ma hita rap pakon sidea ibagas hombun, laho mangalo-alo Tuhan in hu awang-awang, jadi tongtong ma hita rap pakon Tuhan in.”—1 Tes. 4:13-17.
18 Parpuhoon na parlobei masa ma sadokah parroh ni Jesus. Halak na iminaki na manggoluh ope sanggah masa hamarsikon banggal, ‘itarik ma ibagas hombun’. (Mat. 24:31) Aha do artini ai? Sidea na ‘itarik ibagas hombun’, maningon “matei” do tapi lang dokah, halani dobkonsi matei sidea iubah ma “sompong ibagas sangkidop mata, bani parsora ni tarompit na parpudi ai”.—1 Kor. 15:51, 52.
19. Aha do artini “parpuhoon sidearan” ai?
19 Sonari bahatan do juakjuak ni Naibata na laho manggoluh i tanoh on, anjaha sedo na laho mamarentah hu 1 Tes. 5:1-3) Bani paradeiso i tanoh on, ipapuho ma holi na matei. Parpuhoon ijai legan do pakon parpuhoon na sapari. Halani sasada halak na ipapuho sapari, matei do ujungni. Tapi anggo halak na ipapuho i paradeiso, boi ma ia martuah, lang be mardousa, janah tongtong manggoluh. Ai ma ase ihatahon “parpuhoon sidearan”.—Heb. 11:35.
surga. Ipaima sidea do “Ari ni Tuhan in”, ai ma sanggah iripaskon Jahowa ganup parjahat i tanoh on. Lang dong na mambotoh attigan do ai saud. Tapi humbani contoh bani Bibel, taridah ma domma dohor ari ni Naibata ai. (20. Mase hita porsaya anggo parpuhoon ai taratur do holi?
20 Ipatugah Bibel, anggo halak na laho ipapuho hu surga “mangihutkon parjojorni” do. (1 Kor. 15:23) Sonai homa parpuhoon na laho masa i tanoh on, taratur do holi. Tapi ra do gabe sungkun-sungkun hita, ‘Ai na baru matei ai do na parlobei ipapuho, janah ialo-alo kaluargani ibagas pamarentahan Jesus sadokah saribu tahun? Halani i paradeiso dong do holi pambobai, ai pambobai na sapari do na parlobei ipapuho? Ai ipapuho do holi halak na lape ongga mangidangi Jahowa? Ija janah attigan ma sidea ipapuho? Tontu bahat do sungkun-sungkunta pasal ai. Tapi ulang ma haru uhurta halani ai. Rahanan ma hita paimahon ai. Porsaya ma hita, aha pe holi na ibahen Jahowa, boi do mambahen malas uhurta.
21. Aha do na ipaima-ima nasiam?
21 Paimahon ai, maningon ipatoguh hita do haporsayaonta bani Jahowa. Marjanji do Jahowa laho papuhohon-Ni do ganup halak na idingat-Ni, janah ipapuho do sidea marhitei Jesus. (Joh. 5:28, 29; 11:23) Ongga do ihatahon Jesus anggo si Abraham, si Isak pakon si Jakob, “haganup do sidea manggoluh Bani”. On patuduhkon anggo hita boi porsaya laho papuhohon ni Jahowa do halak na matei. (Luk. 20:37, 38) Halani ai bahat do alasanta laho mangkatahon songon na ihatahon si Paulus on, “Marpangarapan do ahu bani Naibata, paboa mulak manggoluh” do halak na matei.—Lah. 24:15.
Ipapuho Naibata do Jesus gabe “batu parsuhi”
(Tonggor ma paragrap 8, 9)
[Gambar bani alaman 14]
HATORANGAN PIGA-PIGA ISTILAH
Batu Parsuhi: Ai ma batu na ibahen bani suhi-suhi ni bangunan, janah batu ai ma na pasadahon dua tembok ase toguh bangunan ai. Dobkonsi Jesus ipapuho, ia ma na gabe “batu parsuhi” humbani kuria halak Kristen na iminaki, na ilimbagahon songon rumah panumbahan