‘Martenger ni Uhur ma bani Jahowa anjaha Horjahon na Madear’
“Martenger ni uhur bani Jahowa ma ho anjaha horjahon ma na madear. . . anjaha ramotkon habujuron.”
DODING: 133, 63
1. Aha na pataridahkon anggo manisia itompa legan humbani na legan?
LEGAN do manisia itompa humbani na legan. Ibere Jahowa do hapentaran ase boi marpingkir, pasaloseihon parsoalan, janah mambahen rencana. (Pod. 2:11) Ibere do hubanta gogoh ase boi mandalankon aha na dob irencanahon. (Pil. 2:13) Ibere do homa panggora ni uhur, na mangurupi hita mambotoh na dear atap na lepak. Panggora ni uhur on, mangurupi hita ase ulang mangkorjahon na lepak pakon maminsang dirinta.
2. Sonaha do dearni hita manggunahon hapentaran humbani Jahowa?
2 Sihol do Jahowa ase dear igunahon hita hapentaran ai. Mase? Halani Ia mangkaholongi hita janah sihol ase hita martuah. Sontohni bani Buku na isurat ibagas sahap Pod. 21:5; Par. 9:10) Bani Buku na isurat ibagas sahap Junani pe ihatahon do homa, “Halani sompat ope, horjahon hita ma na madear bani haganup halak,” ampa “marsipadear-dearan ma nasiam marhitei sibere-bere idop ni uhur na jinaloni bei”. (Gal. 6:10; 1 Ptr. 4:10) Jadi, rosuh do Jahowa ase hita mangkorjahon na marguna hubanta pakon bani na legan.
Heber ihatahon do, “Uhur haponguton mambahen halak marlobih-lobih,” ampa “atap aha na jumpah tanganmu bahen sihorjaonkon, dalankon ma ai humbani gogohmu”. (3. Aha do hahurangan ni manisia?
3 Hassi pe Jahowa sihol ase hita manggunahon hapentaranta, tapi ibotoh Jahowa dong do hahuranganta. Sontohni, mardousa do hita janah boi matei. (1 Raj. 8:46) Hita pe lang boi mangatur halak, halani sidea pe boi mambahen pilihanni sandiri. Anjaha sadiha bahat pe habotohonta, lang boi dos hita pakon Naibata.
Sanggah dong parsoalanta, ‘martenger ni uhur ma bani Jahowa anjaha horjahon ma na madear’
4. Aha do na laho iulas hita bani artikel on?
4 Sai tongtong ma hita ra itogu Jahowa, porsaya anggo Ia mangurupi janah sihol mangkorjahon na lang tarbahen hita. Tapi, Jahowa sihol ase hita mamingkirhon sonaha pasaloseihon parsoalanta janah mangurupi halak na legan. (Basa Psalmen 37:3.) Porlu do hita ‘martenger ni uhur bani Jahowa anjaha horjahon ma na madear’. Porlu do homa hita “ramotkon habujuron”. Sonaha carani? Ulas hita ma siusihan humbani si Noak, si Daud, pakon juakjuak na legan na marpangunsandeian bani Jahowa. Holi iulas hita aha na lang tarbahen sidea, tapi ipilih do mangkorjahon na boi ibahen sidea.
SANGGAH BAHAT HAJAHATON
5. Patorang ma pasal pargoluhan ni si Noak.
5 Si Noak tading bani dunia na “gok hajahaton” ampa hasamboron. (1 Mus. 6:4, 9-13) Sogam do uhurni mangidah parlahou ni halak ijia, hassi pe ibotoh ripaskonon ni Jahowa do hajahaton. Ai pe iarusi si Noak do adong na lang tarbahensi, tapi ia pe mangarusi dong homa do na boi ibahenni.
Lang ijalo sanggah marbarita (Idah paragrap 6-9)
6, 7. (a) Aha na lang tarbahen si Noak? (b) Sonaha hagoluhanta dos pakon si Noak?
6 Na lang tarbahen si Noak: Porsaya do si Noak bani sipasingat humbani Jahowa, tapi ia seng boi mamaksa halak ase manjalo barita ai. Anjaha ia pe seng boi mambahen ase Bah na Sumbang ai podas roh. Porsaya do si Noak bani janji ni Jahowa na laho mamboiskon hajahaton topat bani panorangni.
7 Hita pe tading bani dunia na igoki hajahaton, anjaha ibotoh hita do janji ni Jahowa laho mamboiskon hajahaton. (1 Joh. 2:17) Hassi pe sonai, hita lang boi mamaksa halak manjalo ‘ambilan na madear pasal Harajaon’. Anjaha lang tarbahen hita hamarsikon na banggal ai podas roh. (Mateus 24:14, 21) Songon si Noak, porlu do toguh haporsayaonta, porsaya ma boiskonon ni Jahowa do holi hajahaton. (Ps. 37:10, 11) Saud do ai bani panorang na dob itontuhon, janah lang tarlambat age sadari.
Songon si Noak, porlu do toguh haporsayaonta, porsaya boiskonon ni Jahowa do holi hajahaton
8. Aha do na tongtong ipingkirhon si Noak? (Idah gambar bani alaman 3)
8 Na boi ibahen si Noak: Si Noak lang gabe mandolei halani dong na lang tarbahensi, tapi totap do ia mamingkirhon aha na boi ibahenni. Tongtong do ia padaskon barita humbani Jahowa. (2 Ptr. 2:5) Ai do na mambahen lambin toguh haporsayaonni. Sobali marbarita, ia pe pajongjongkon parau songon na iparentahkon Jahowa.
9. Sonaha do hita boi mangusihi si Noak?
9 Songon si Noak, ringgas do hita “ibagas horja ni Tuhan”. (1 Kor. 15:58) Sontohni, dong do na mangurupi pajongjongkon ampa mangurus Balei Harajaon pakon Balei Partumpuan Banggal, mangurupi i partumpuan banggal, marhorja i kantor cabang atap i kantor panerjemahan. Tapi na siporlunan ringgas do hita marbarita, halani ai do na mambahen pangarapanta lambin toguh. Sanggah patugahkon pasal pasu-pasu humbani Harajaon ni Naibata, sada hasomanta mangkatahon, bahat halak na ijumpahi lang marpangarapan, sedo songon hita na marpangarapan. Jadi sanggah hita marbarita lambin toguh ma pangarapan ai. On mangurupi hita martahan ase mandapot hagoluhan!
SANGGAH MARDOUSA HITA
10. Patorang ma aha do na masa bani si Daud.
10 Raja Daud ai ma halak na martenger ni uhur, janah banggal do holong ni Jahowa hu bani. (Lah. 13:22) Hassi pe sonai, marbangkis do si Daud pakon si Batseba. Siparahan, marusaha do ia paponopkon dousani marhitei isuruh do si Uria paramangon ni si Batseba, mamboan surat hape marisi parentah ase ia ibunuh i parporangan! (2 Sam. 11:1-21) Tapi ujungni, tarbotoh do ai. (Mrk. 4:22) Sonaha pangahap ni si Daud?
Hasalahan na dob salpu (Idah paragrap 11-
11, 12. (a) Aha na lang tarbahen si Daud dobkonsi ia mardousa? (b) Aha na ibahen Jahowa anggo hita mambahen hamubahon?
11 Na lang tarbahen si Daud: Si Daud lang boi paulakkon na dob salpu. Adong do sitaronon na iahapkonni halani dousani. (2 Sam. 12:10-12, 14) Porlu do adong haporsayaonni. Ai ma ra do Jahowa manasap dousani anggo ia mambahen hamubahon. Janah iurupi Jahowa do ia ase martahan ibagas sitarononni.
12 Mardousa do hita ganupan. Tapi Gal. 6:7) Tapi porsaya do hita bani janji ni Naibata, isasap do dousanta anggo hita mubah. Iurupi do homa hita ase martahan manaron hasunsahan halani hasalahanta ai.
13. Aha na ibahen si Daud ase mardear pakon Jahowa?
13 Na boi ibahen si Daud: Sihol do si Daud ase mardear pakon Jahowa. Aha do na binahenni? Ipaturut si Daud do Jahowa manogu-nogu ia. Sontohni, ra do ia manjalo podah humbani nabi Natan. (2 Sam. 12:13) Martonggo do homa si Daud bani Jahowa janah mangakui dousani, na pataridahkon anggo ia sihol mardear pakon Jahowa. (Ps. 51:3-19) Marimbang sunsah halani hasalahan ai, rahanan ma ia marlajar humbani hasalahan ai ase ulang mambahen hasalahan na sarupa. Dobkonsi martahun-tahun, setia do ia bani Jahowa ronsi matei. Halani ai, idingat Jahowa do ia.
14. Aha na boi iparlajari hita humbani si Daud?
14 Aha na boi iparlajari hita humbani si Daud? Sanggah mambahen hasalahan, maningon do hita mambahen hamubahon, mangakui dousanta hubani Jahowa, janah mangindo hasasapan ni dousa. (1 Joh. 1:9) Porlu do homa mangindo pangurupion bani sintua ase boi mardear pakon Jahowa. (Basa Jakobus 5:14-16.) Anggo ra hita iurupi Jahowa, on pataridahkon porsaya do hita bani janji-Ni na ra manasap dousanta. Hita pe porlu marlajar humbani hasalahanta, janah totap mangidangi Jahowa ibagas tenger ni uhur.
BANI SITUASI NA LEGAN
Boritan (Idah paragrap 15)
15. Aha na boi iparlajari hita humbani si Hanna?
15 Ra do idingat hita adong juakjuak na legan na isurat ibagas Bibel, na totap martenger ni uhur bani Jahowa ibagas hasunsahan. Sontohni, sanggah si Hanna lang marniombah, ia lang boi mangubah aha na masa. Tapi totap do ia porsaya bani pangapohon humbani Jahowa. Halani ai, tongtong do ia hu tabernakel laho martonggo, patugahkon na ibagas uhurni bani Jahowa. (1 Sam. 1:9-11) Sada siusihan na madear hubanta! Jadi, sanggah hurang sehat atap pe adong parsoalan na legan, ompaskon hita ma hinolsohta bani Jahowa, janah porsaya isarihon-Ni do hita. (1 Ptr. 5:6, 7) Anjaha pongkut ma hita roh hu partumpuan pakon manggunahon aha pe na ipasirsir organisasi.
Porsaya do si Hanna bani Jahowa, halani ai tongtong do ia hu tabernakel laho martonggo
Niombah lang be mangidangi Jahowa(Idah paragrap 16)
16. Aha na boi iparlajari namatoras humbani si Samuel?
16 Sonaha do anggo dong niombah na manadingkon Jahowa? Nabi Samuel lang boi mamaksa niombahni ase setia bani Naibata. (1 Sam. 8:1-3) Iondoskonni do ai bani Jahowa. Totap do ia setia bani Jahowa janah pamalaskon uhur-Ni. (Pod. 27:11) Sonari pe, bahat do namatoras na sarupa situasini pakon si Samuel. Porsaya do sidea anggo Jahowa ra manjalo halak na mambahen hamubahon, songon bapa bani limbaga ni Jesus. (Luk. 15:20) Tongtong ma namatoras setia hubani Jahowa, janah mangarap siusihan humbani sidea mangojur ase niombah mulak use.
Sunsah halani parduiton (Idah paragrap 17)
17. Mase siusihan humbani na mabalu na masombuh boi mangojur hita?
17 Siusihan na legan ai ma na mabalu na masombuh. (Basa Lukas 21:1-4.) Lang tarkahuasi hagedukon na masa i rumah panumbahan, janah ia seng boi mubah gabe halak na bayak. (Mat. 21:12, 13) Tapi halani porsaya bani Jahowa, ibere do ganup duitni ai ma “dua rimis”, mangurupi ugama na sintong. Hunjon taridah tenger do ia bani Jahowa humbani gok ni uhurni. Ibotoh do anggo pangidangion bani Jahowa na ipalobei, ibere Jahowa do ganup haporluanni. Sonai homa hita, anggo Harajaon ni Naibata na ipalobei, ibere Jahowa ma ganup haporluanta.
18. Bere ma siusihan na pataridahkon sada hasomanta na martenger ni uhur bani Jahowa.
18 Sonari pe bahat do hasomanta sahaporsayaon na totap martenger ni uhur bani Jahowa. Sidea mamingkirhon aha na boi ibahen sidea, sedo na lang tarbahen. Sontohni hasomanta si Malcolm, na setia ronsi matei bani tahun 2015. Iahapkon ia do na sunsah ampa na sonang sadokah martahun-tahun ibagas na mangidangi Jahowa rap pakon parinangonni. “Mubah-ubah do hagoluhan on, seng boi ibotoh, janah sunsah,” nini si Malcolm. “Hassi pe sonai, ipasu-pasu Jahowa do halak na marondos hu Bani.” Podah aha na ibere si Malcolm? “Martonggo ma ase boi marhasil janah pongkut ma ibagas na mangidangi Jahowa. Pingkirhon ma aha na boi ibahen hita, sedo na lang tarbahen.” *
19. (a) Mase ayat na ipilih bani tahun 2017 on sosok hubanta? (b) Sonaha do hita boi mangihutkon ayat ai bani hagoluhanta?
19 Dunia on “sai na lambin jahat do”, jadi pasirsir hita ma uhur bani hasunsahan na lambin parah na laho roh. (2 Tim. 3:1, 13) Porlu do on marimbangkon gabe mandolei halani hasunsahan. Maningon do toguh haporsayaonta hubani Naibata Jahowa janah mamingkirhon aha na boi ibahen hita. Halani ai sosok tumang do ayat bani tahun on: ‘Martenger ni Uhur ma bani Jahowa anjaha Horjahon na Madear’!
Ayat Tahunan 2017: “Martenger ni uhur bani Jahowa ma ho anjaha horjahon ma na madear. . . anjaha ramotkon habujuron.”
^ par. 18 Idah Menara Pengawal 15 Oktober 2013 alaman 17 ronsi 20.