Argai ma Habebason Mamilih na Dong Banta
“Ija Tonduy ni Tuhan in, ijai do haluahon.”
DODING: 62, 65
1, 2. (a) Sonaha do palegan-legan pandapot ni halak pasal habebason mamilih? (b) Aha na iajarhon Bibel hubanta pasal habebason mamilih, janah aha na laho iulas hita?
SANGGAH mambahen pilihan, sada naboru patugahkon, “Ulang ahu mamingkirhon; patugah ma na laho hubahen. Urahan do sonai.” Ia sihol ipatugah aha na laho bahenonni, marimbangkon manggunahon habebasonni mamilih, sibere-bere na maharga humbani Sitompa. Ija do nasiam rosuhan, halak do, atap hita sandiri na mambahen pilihan? Sonaha pandapot nasiam pasal habebason mamilih?
2 Legan-legan do pandapot ni halak pasal habebason mamilih. Dong mangkatahon seng dong habebason ai, halani domma itontuhon Naibata ganup langkahta. Na legan mangkatahon, ai adong anggo seng dong batasni. Hassi pe sonai, Bibel patugahkon sanggah hita itompa, ibere do habebason mambahen pilihan na Josua 24:15.) Bani Bibel, dong do balos ni sungkun-sungkun on: Dong do batas ni habebason mamilih ai? Sonaha hita manggunahon habebason laho mambahen haputusan? Sonaha haputusanta pataridahkon holong bani Jahowa? Sonaha hita mangkargai haputusan ni na legan?
dear. (BasaAHA NA IPARLAJARI HITA HUMBANI JAHOWA PAKON JESUS?
3. Sonaha Jahowa manggunahon habebason-Ni na so marbatas?
3 Jahowa do simada habebason na so marbatas, janah hita boi marlajar hun Bani. Sontohni, ipilih Jahowa do bangsa Israel “bahen bangsa-Ni sandiri”. (5 Mus. 7:6-8) Dong do alasan Bani laho mamilih. Ia sihol pasaudkon janji-Ni bani si Abraham, hasoman-Ni. (1 Mus. 22:15-18) Tongtong do dear Jahowa ampa marholong ni uhur sanggah manggunahon habebason-Ni. On boi ididah hita sanggah Ia maminsang halak Israel na lang unduk. Sanggah sidea mubah, holong do atei ni Jahowa. Nini ma, “Pamalumon-Ku do parbalikon ni sidea. Sihol do Ahu mangkaholongi sidea.” (Hos. 14:4) Jahowa mambere siusihan na madear hubanta, manggunahon habebason-Ni laho mangurupi manisia!
Sanggah lape roh hu tanoh on, Jesus mamilih setia bani Naibata anjaha seng ra mangihutkon Setan
4, 5. (a) Ise na parlobei manjalo habebason mamilih, janah sonaha ia manggunahon ai? (b) Sungkun-sungkun aha na boi irimangi?
4 Jahowa mamilih manompa malekat ampa manisia. Ibere do habebason mamilih bani sidea. Jesus do parlobei itompa, usih songon rupa-Ni. (Kol. 1:15) Sonaha Jesus manggunahon habebason ai? Sanggah lape roh hu tanoh on, Jesus mamilih setia bani Naibata anjaha seng ra mangihutkon Setan. Sanggah i tanoh on, lang ra ia ilajou Setan. (Mat. 4:10) Bani borngin paima matei Jesus, nini do, “Ham Bapa, anggo dear uhur-Mu, salpuhon Ham ma panginuman on hun Bangku! Tapi sedo uhur-Hu, uhur-Mu do na saud.” Jadi, Jesus sihol mandalankon harosuh ni Bapani. (Luk. 22:42) Ai boi do hita mangusihi Jesus, manggunahon habebasonta laho mangkorjahon harosuh ni Jahowa?
5 Boi, halani hita itompa usih songon rupa ni Naibata. (1 Mus. 1:26) Hassi pe sonai, seng sarupa habebasonta pakon Naibata. Bibel patugahkon, ibahen Jahowa do batas bani habebasonta, janah mangarap ase hita manjalo batasan ai. Sontohni ibagas kaluarga, parinangon unduk bani paramangon, sonai homa niombah bani namatoras. (Ep. 5:22; 6:1) Halani dong batasan, sonaha hita mambahen pilihan? Balosni ai manontuhon pangarapanta bani ari simagira.
MANGGUNAHON HABEBASON MAMILIH
6. Bere ma sada contoh mase porlu adong batasan bani habebasanta mamilih.
6 Habebason na marbatas, ai do habebason na sasintongni? Tongon! Mase? Halani batasan ai boi manlinggomi hita. Sontohni, sanggah hita laho hu sada kota na daoh, tapi seng dong hukum lalu lintas, janah uhur-uhur ni halak manupir i dalan. Ai aman do i dalan sisonai? Tontu lang. Porlu batasan ase ganupan mandapot guna humbani habebason na sasintongni. Ulas hita piga-piga contoh humbani Bibel, na pataridahkon anggo batasan na ibahen Jahowa marguna hubanta.
7. (a) Aha na mambahen si Adam legan pakon binatang? (b) Patorang ma sonaha si Adam manggunahon habebason mamilih.
7 Sanggah Jahowa manompa manisia na parlobei, si Adam, ibere do habebason mamilih bani, songon na dong bani malekat. Tapi bani binatang seng ibere Naibata. Sonaha do dearni si Adam manggunahon habebason ai? Sanggah ‘iboan [Naibata] ganup binatang hubani si Adam laho mangidah sonaha bahenonni goran ni ai’, malas do uhur si Adam mambahen goran na sosok bani binatang ai, dob ipardiatei. Seng iubah Jahowa goran na dob ipilih si Adam. Tapi, “ia in ibahen si Adam goran ni haganup na marhosah ai, lanjar ai do goranni”.
8. Sonaha si Adam salah manggunahon habebason mamilih, janah aha do ujungni?
8 Jahowa mambere tanggung jawab bani si Adam mambahen tanoh on gabe paradeiso. Nini ma, “Manggompari anjaha lambin manggargar ma hanima, goki hanima ma tanoh on anjaha patunduk ma in; rajai hanima ma dengke na i laut, manuk-manuk na i awang-awang, pakon sagala binatang na manjulur i atas tanoh on.” (1 Mus. 1:28) Tapi si Adam mamilih mangankon buah na ilarang. Ia seng unduk bani batasan na ibahen Jahowa. Ai do na mambahen manisia sunsah marribu tahun. (Rom 5:12) Contoh on pasingatkon hita ase dear manggunahon habebason ai janah manjalo batasan na ibahen Jahowa hubanta.
Bangsa Israel mamilih gabe juakjuak ni Naibata anjaha manjalo batasan na ibahen-Ni
9. Pilihan aha do na ibere Jahowa bani halak Israel, anjaha aha do janji ni sidea?
9 Halani si Adam pakon si Hawa, mardousa ma ganup manisia janah matei. Hassi pe sonai, dong do hak-ta manggunahon habebason mamilih. Boi ididah hita aha na ibahen Naibata bani halak Israel. Ibere Jahowa sidea pilihan, ra atap lang sidea gabe bangsa ni Naibata. (2 Mus. 19:3-6) Bangsa ai mamilih gabe juakjuak-Ni anjaha manjalo batasan na ibahen. Nini sidea, “Haganup na hinatahon ni Jahowa ibahen hanami pe.” (2 Mus. 19:8) Tapi, ilanggar sidea do janji ai. Hita boi marlajar humbani aha na masa bani sidea. Andohar ma tongtong ihargai hita habebason mamilih, totap dohor bani Jahowa, janah unduk bani titah-Ni.
10. Humbani Heber bindu 11, ise do na boi iusihi hita laho mambahen pilihan na pasangapkon Naibata? (Idah gambar bani alaman 9.)
10 Bani Heber bindu 11, dong 16 halak dalahi pakon naboru na mamilih setia bani Jahowa janah mangkargai batasan na ibahen-Ni. Ujungni, sidea manjalo buei pasu-pasu ampa pangarapan na dear bani ari simagira. Sontohni, si Noak na porsaya, mamilih unduk bani Naibata pajongjongkon parau ase kaluargani boi maluah ampa ginomparni. (Heb. 11:7) Si Abraham pakon si Sarah, unduk bani Naibata, laho hu sada ianan na dob ijanjihon. Anggo ra, “sompat do sidea mulak” hu kota Ur. Tapi sidea mamingkirhon janji ni Naibata bani ari simagira. Bibel patugahkon, ianan “sidearan do ihasiholhon sidea”. (Heb. 11:8, 13, 15, 16) Si Musa, seng ra bani arta Masir anjaha mamilih “manaron na marsik rap pakon bangsa ni Naibata humbani na marsonang-sonang tongkin ibagas dousa”. (Heb. 11:24-26) Tiru hita ma haporsayaon ni sidea, manggunahon habebason mamilih laho mangkorjahon harosuh ni Naibata.
11. (a) Aha do pasu-pasu anggo manggunahon habebason mamilih? (b) Aha na mangojur nasiam ase dear manggunahon habebason ai?
11 Ra do pangahapta urahan mangindo hasoman na mambahen haputusan hubanta. Tapi anggo sonai, lang iahapkon hita pasu-pasu sibanggalan manggunahon habebason mamilih. Pasu-pasuni dong ipatugah bani 5 Musa 30:19, 20. (Basa.) Bani ayat 19, hita mambasa Naibata mambere bani halak Israel pilihan. Ayat 20, Jahowa mambere panorang bani sidea laho patuduhkon holong hu Bani. Hita pe boi do mamilih laho mangidangi Jahowa. Dear do manggunahon habebasonta mamilih laho pasangapkon Jahowa janah pataridahkon holongta hu Bani!
ULANG SALAH MANGGUNAHON HABEBASON MAMILIH
12. Aha na lang boi ibahen sanggah manggunahon habebasonta mamilih?
12 Anggo ibere nasiam kado bani hasoman, sonaha pandapotmu anggo kado ai iambukkon, atap ibahen laho manunsahi halak? Tontu borit do uhurmu. Sonai ma borit ni uhur ni Jahowa anggo hita salah manggunahon habebason na ibere-Ni, atap mambahen pilihan na sambor, atap manunsahi halak. Bibel patugahkon, bani “panorang parpudi” bahat do na seng martarima kasih. (2 Tim. 3:1, 2) Sonaha hita mangkargai sibere-bere humbani Jahowa? Anjaha sonaha ase hita lang salah manggunahon ai?
13. Sonaha ase hita lang salah manggunahon habebasonta?
13 Ganup hita bebas mamilih hasoman, parpakeian, ampa hiburan. Tapi ulang ma napakei habebason ai gabe sidalian boi mamilih na lang iharosuhkon Naibata, atap mangihutkon rosuh 1 Petrus 2:16.) Marimbangkon manggunahon habebason ai hubani na lepak, rahanan ma manggunahon ai laho “pasangapkon Naibata”.
14. Mase tenger uhurta bani Jahowa sanggah manggunahon habebason mamilih?
14 Nini Jahowa, “Ahu do Jahowa Naibatamu, na mangajari ho ase martuah ho, na manogu ho bani dalan na patut sidalananmu.” (Jes. 48:17) Pos ma uhurta Bani, janah jalo ma batasan na ibahen-Ni ase hita boi mambahen pilihan na dear. Akui ma “sedo hape guru bani jolma langkahni, anjaha sedo halak pardalan-dalan na manontuhon langkahni”. (Jer. 10:23) Si Adam pakon halak Israel lang setia. Sidea manulak batasan na ibahen Jahowa janah marpangunsandeian bani dirini. Sada parlajaran do on hubanta. Marimbangkon porsaya bani diri sandiri, rahanan ma ‘tenger uhurta bani Jahowa humbani gok ni uhurta’.
ARGAI MA PILIHAN NI HALAK NA LEGAN
15. Aha do parlajaran humbani prinsip Galatia 6:5?
15 Maningon do ihargai hita habebason ni halak laho mambahen haputusan bani goluhni. Mase? Halani ganup hita manjalo sibere-bere ai. Seng dong dua halak Kristen na tongtong mambahen haputusan na sarupa. Tarmasuk haputusan pasal parlahou ampa ugama. Dingat ma prinsip Galatia 6:5. (Basa.) Anggo idingat hita ganupan halak Kristen martanggung jawab bani pilihanni, tontu ihargai hita ma pilihan ni sidea.
baniLang ipaksa hita na legan mambahen haputusan na sarupa (Idah paragrap 15)
16, 17. (a) Sonaha habebason mamilih gabe parsoalan i Korint? (b) Sonaha si Paulus mangurupi sidea, janah aha do parlajaranni hubanta?
16 Boi iulas hita contoh hun Bibel na pataridahkon mase porlu mangkargai pilihan ni hasoman. Halak Kristen i kuria Korint maringori pasal mangankon daging na dob igalangkon bani gana-gana tapi ujungni ijual i tiga. Piga-piga halak Kristen ijai, seng targanggu panggora ni uhurni mangankon ai, halani ibotoh aha pe lang gana-gana ai. Tapi sidea na sompat hinan manggalang hu bani gana-gana marpangahap mangankon daging sisonai, doskon manombah gana-gana. (1 Kor. 8:4, 7) Banggal tumang do parsoalan ai halani boi mamosah kuria. Sonaha si Paulus pasaloseihon ai?
17 Parlobei, ipasingat si Paulus do sidea anggo sipanganon seng boi patoguhkon parhasomanan bani Naibata. (1 Kor. 8:8) Dob ai, ipasingat ma ase sidea ulang manggunahon “kuasa” mamilih, mambahen targanggu panggora ni uhur ni hasoman. (1 Kor. 8:9) Sidea na galek panggora ni uhurni pe, ulang ma manguhumi sidea na ra mangankon daging ai. (1 Kor. 10:25, 29, 30) Pasal panumbahan, ganup halak Kristen porlu mambahen pilihan sandiri. Ai lang maningon ihargai hita habebason ni hasomanta sanggah mambahen haputusan aha pe?
18. Sonaha hita mangkargai habebason mamilih?
18 Jahowa mambere hita habebason mamilih, na parohkon habebason na sasintongni. (2 Kor. 3:17) Hita mangkargai sibere-bere on, halani marhiteihonsi hita boi mambahen haputusan na pataridahkon holongta bani Jahowa. Andohar ma tongtong pilihanta pasangapkon Ia ampa mangkargai hak ni hasomanta manggunahon sibere-bere ai.