“Ai ma Padas hubani Hasoman Hatengeran ni Uhur”
“Ai ma padas hubani hasoman hatengeran ni uhur, na boi mangajari halak na legan.”
DODING: 123, 53
1, 2. Sonaha pandapot buei halak pasal horjani?
BAHAT halak marpangahap, ponting atap lang sasada halak, ai boi ididah humbani horjani. Bani piga-piga ianan, sanggah marsitandaan somal do isungkun sidea, “Aha do horja ni nasiam?”
2 Sipata, laho patorangkon pasal sasada halak, ipatugah Bibel do aha horjani. Sontohni, ihatahon do “si Mateus, sijalo sohei”, “si Simon, tukang sipatu”, ampa “si Lukas, doktor”. (Mat. 10:3; Lah. 10:6; Kol. 4:14) Janah ipatugah do homa aha do horjani sasada halak ibagas na mangidangi Jahowa. Sontohni Raja Daud, nabi Elias, ampa apostel Paulus. Ihargai sidea do tugas na binere ni Jahowa. Jadi, hita pe porlu mangkargai tugas aha pe ibagas na mangidangi Jahowa.
3. Mase na matua porlu mangajari na maposo? (Idah gambar bani alaman 26.)
3 Marosuh do hita mangidangi Jahowa janah mangkargai tugasta. Buei do halak na rosuh bani horjani, anggo Par. 1:4) Sada tantangan do on bani juakjuak ni Naibata. Sonari, lambin banggal do horja parambilanon. Halani ai ipakei organisasi Jahowa ma teknologi naimbaru ase lambin bahat halak boi manangar ambilan na madear. Tapi sipata sunsah do pangahap na matua laho marlajar manggunahon ai. (Luk. 5:39) Somal do anggo domma matua lambin hurang ma gogohni. (Pod. 20:29) Halani ai, dear do anggo na matua mangajari na maposo manjolom buei tanggung jawab ibagas organisasi ni Jahowa.
4. Mase seng urah mangondoskon tugas bani na legan? (Idah kotak “ Mase Sunsah Mangondoskon Tugas bani na Legan”.)
4 Seng tongtong urah bani na matua mangondoskon tugas bani na maposo. Ra do gabe pusok uhurni halani lang be manjolom tugas na iharosuhkon. Ra do sunsah pangahapni halani mambere tanggung jawab na iharosuhkon. Atap mabiar lang dear holi ihorjahon anggo lang sidea na manjolom tugas ai. Ra do pangahap ni sidea lang dong panorang laho mangajari na legan. Anggo ai na masa, porlu do sabar na maposo hassi pe lape ibere buei tanggung jawab.
5. Sungkun-sungkun aha do na laho iulas hita?
5 Mase na matua porlu mangajari na maposo mandalankon buei tanggung jawab? Sonaha ase sidea boi mangkorjahon ai? (2 Tim. 2:2) Sanggah rup marhorja pakon na matua na marpangalaman, mase na maposo porlu mangkargai janah marlajar humbani sidea? Parlobei, iulas hita ma sonaha Raja Daud mangurupi anakni mangkorjahon tugas na ponting.
IURUPI SI DAUD DO SI SALOMO
6. Aha na sihol bahenon ni Raja Daud? Aha do na ihatahon Jahowa bani?
6 Sadokah martahun-tahun marpindah-pindah do si Daud halani iparburu. Dobkonsi gabe raja, tading ma ia i istana. Jadi nini ma bani si Natan, “Tonggor ma, marianan do ahu ibagas rumah na humbani hayu ares, tapi anggo poti parpadanan ni Jahowa i toruh ni lampolampo do.” Si Daud sihol paulihon rumah bani Jahowa. Jadi nini si Natan ma, “Pasaud ham ma sagala na ibagas uhurmu ai, hasomanan ni Naibata do ham!” Tapi lang ai harosuh ni Jahowa. Jadi isuruh ma si Natan patugahkon, “Seng bulih ho pajongjong Bangku sada rumah bahen ianan-Ku.” Jahowa marjanji sai hasomanan-Ni do si Daud. Ibotoh si Daud ma anakni do holi na paulihon rumah ai. Sonaha pangahap ni si Daud?
7. Sonaha pangahap ni si Daud pasal haputusan ni Jahowa?
7 Ra do pusok uhurni si Daud halani lang saud ia na paulihon rumah bani Jahowa. Hassi pe sonai tongtong do ia mangurupi si Salomo, anakni, mangkorjahon ai. Ibere do siparhorja laho patumpuhon bosi, tombaga, pirak, omas, ampa hayu. Lang haru
8. Mase pangahap ni si Daud anggo si Salomo lape sosok paulihon rumah panumbahan? Tapi aha do na ibahen si Daud?
8 Basa 1 Kronika 22:5. Ra do pangahap ni si Daud anggo si Salomo lape sosok manjolom horja ai, halani “poso anjaha seng marpangalaman” ope ia. Anjaha “banggal tumang” rumah na laho ipauli ai. Tapi ibotoh si Daud iurupi Jahowa do holi si Salomo. Halani ai iurupi si Daud ma si Salomo pasirsirhon aha na porlu hujai.
MARMALAS NI UHUR MANGAJARI NA LEGAN
Malas do uhurta mangidah bahat na maposo manjolom buei tanggung jawab (Idah paragrap 9)
9. Sonaha na matua marmalas ni uhur mambere tanggung jawab bani na legan? Bere ma contoh.
9 Ulang pala maretek ni uhur na matua sanggah mambere tanggung jawab bani na maposo. Ibotoh hita horja ni Jahowa do na siporlunan sonari on. Anggo bahat na maposo iajari mandalankon tanggung jawab, on boi mangurupi horja ai. Pingkirhon ma contoh on. Sanggah dakdanak ope ham, ra do ididah ham bapamu mamboan mobil. Dob magodang, iajari ma ham mamboan mobil. Bani panorangni, dapot ham ma Surat Izin Mengemudi janah boi mamboan mobilmu sandiri. Hassi pe sonai tong do ham iajari bapa ai. Sipata porlu do nasiam margantih mamboan mobil. Tapi, dob lambin matua bapa ai, ham do na gati
mamboan mobil. Ai marah do bapa halani ai? Lang, malas do uhurni halani domma boi iarapkonni ham mamboan mobil. Sonai ma na matua pe malas do uhurni mangajari na maposo laho manjolom tanggung jawab ibagas organisasi ni Jahowa.10. Sonaha pandapot ni si Musa pasal hasangapon ampa tanggung jawab?
10 Jaga ma hita ase ulang simburu bani sidea na adong tanggung jawabni. Hita boi marlajar humbani si Musa sanggah adong halak Israel na manjahai songon nabi. (Basa 4 Musa 11:24-29.) Laho ilanglangi si Josua do sidea, tapi nini si Musa ma, “Mintor simburu ma ho halani ahu? Gabe nabi ma namin ganup bangsa ni Naibata, anjaha ilayak-layakkon Jahowa ma Tonduy-Ni sogop hubani sidea.” Ibotoh si Musa do on horja ni Jahowa. Lang ipindahi hasangapon bani dirini, tapi rosuh do ia ase ganup juakjuak-Ni mandapot tanggung jawab. Hita sonaha? Ai marosuh do hita anggo na legan mandapot tanggung jawab ibagas organisasi ni Jahowa?
11. Aha na ihatahon hasomanta pasal mambere tanggung jawab bani na legan?
11 Dong bahat hasoman na marpuluh-puluh tahun ringgas mangidangi Jahowa janah mangajari na maposo manjolom buei tanggung jawab. Pardiateihon ma siusihan humbani si Peter. Sadokah 74 tahun ia mambere gok panorang ibagas pangidangion, 35 tahun ma ia mangidangi i kantor cabang Eropa. Dokah do ia gabe pengawas Bagian Dinas. Dob ai, ibere do tanggung jawab ai bani na maposo margoran si Paul, na ongga iajarisi. Ai borit do uhurni halani parubahan ai? Lang. Tapi nini do, “Malas do uhurhu halani bahat sanina na dob iajari ra manjolom tanggung jawab na banggal janah dear mangkorjahon ai.”
MANGKARGAI NA MATUA
12. Aha na iparlajari hita humbani si Rehabeam?
12 Sanggah gabe raja si Rehabeam, ai ma anakni si Salomo, mangindo podah do ia bani tua-tua ijia laho mandalankon tugasni. Tapi lang itangihon podah ni sidea ai. Na itangihon ai ma podah ni halak siposonan, hasomanni magodang. Gabe sambor do ujungni. (2 Kron. 10:6-11, 19) Aha do parlajaranni? Dear do anggo hita ra mangindo podah humbani halak na lobih tua janah marpangalaman. Ulang ma sunsah pangahap ni na maposo mangihutkon na dob ibahen sidea. Tapi totap ma na maposo mangkargai pangajarion halak na matua, janah ulang mintor iagan cara ni sidea mandalankon horjani lang dear.
13. Sonaha do dearni na maposo rup marhorja pakon na matua?
13 Sipata, ibere do tanggung jawab bani na maposo laho mangawasi horja na matua, na lobih marpangalaman. Dear do anggo na maposo marlajar humbani na matua. Songon contoh nongkan ai, dob si Paul manggantihon si Peter gabe pengawas departemen i Betel, nini do, “Hubere do panorang laho manangar podah ni si Peter, janah huojur do homa ase sonai ma ibahen sanina na legan.”
Iajari si Paulus do si Timoteus, janah dear do si Timoteus mandalankon ai
14. Aha na boi iparlajari hita humbani si Paulus pakon si Timoteus na rup marhorja?
14 Daoh do posonan si Timoteus humbani si Paulus, janah martahun-tahun do sidea rup marhorja. (Basa Pilippi 2:20-22.) Nini si Paulus do bani halak na i Korint, “Husuruh bani nasiam si Timoteus, ai ma anak bangku, na hinaholongan anjaha hatengeran ni uhur ibagas Tuhan, ase ia ma paingatkon nasiam pasal dalanku ibagas Kristus Jesus, songon na huajarhon ija-ija pe bani haganup kuria in.” (1 Kor. 4:17) Hunjon taridah ma marsiurupan do sidea sanggah marhorja. Iajari si Paulus do si Timoteus ‘pasal dalanni ibagas Kristus’, anjaha dear do si Timoteus mandalankon ai. Haholongan ni si Paulus do si Timoteus janah porsaya anggo ia boi dear mangurus haporluan ni hasoman i Korint. Sintua pe boi mangusihi si Paulus sanggah mangajari na maposo ase manjolom tugas i kuria.
DONG DO BANTA TUGAS NA PONTING
15. Sonaha Rom 12:3-5 boi mangurupi hita manjalo parubahan?
15 Lambin banggal do horja ibagas organisasi ni Jahowa. Halani ai tongtong do adong parubahan. Seng urah banta manjalo piga-piga parubahan ai. Halani ai, ase ganup hita boi marsada, porlu do hita martoruh ni uhur janah mamingkirhon aha do na boi ibere hita ibagas horja Harajaon marimbangkon mamingkirhon harosuhta. Itongos si Paulus do surat bani halak Kristen i Rom, “Huhatahon ma bani ganup nasiam, ‘Ulang ma gijang hira nasiam diri nasiam lobih humbani na patut.’” Anjaha ia patorangkon usih songon pagori ni badan legan-legan do horjani sonai ma ganup pagori i kuria legan-legan do tugasni.
Juakjuak ni Jahowa ra mangurupi horja Harajaon janah mandalankon aha na ipindo
16. Aha na boi ibahen ganup hita ase boi totap mardamei janah marsada ibagas organisasi ni Jahowa?
16 Juakjuak ni Jahowa ra mangurupi horja Harajaon janah mandalankon aha na ipindo. Sanina na matua boi do mangajari na maposo. Sanina na maposo totap hormat janah martoruh ni uhur mandalankon buei tanggung jawabni. Ganup sanina mangkargai parinangonni na mangurupi sanggah dong parubahan. Naboru-naboru on mangusihi si Priskilla, na tongtong mangurupi si Akila, paramangonni.17. Laho mangkorjahon aha do iajari Jesus susianni?
17 Jesus ra mangajari halak na legan. Siusihan na madear do on. Ibotoh Jesus porlu do halak na legan manoruskon horjani. Tontu ibotoh Jesus do anggo susianni lang gokan dear. Tapi pos do uhurni anggo sidea boi pararatkon ambilan na madear lobih humbani na dob ibahenni. (Joh. 14:12) Halani dear sidea iajari, susianni pe boi marbarita bai ganup bangsa.
18. Aha do na laho ihorjahon hita bani ari simagira? Aha na boi ihorjahon hita sonari?
18 Dob matei Jesus, ipapuho Jahowa do ia janah ibere do buei horja bani ampa ipahundul do ia “hu atas ni sagala harajaon ampa kuasa ampa hagogohon ampa hamuliaon”. (Ep. 1:19-21) Anggo setia hita, hassi pe matei paima Harmagedon, ipapuho do holi hita janah bahat do horjanta i dunia na baru. Anjaha sonari pe dong do banta tugas na boi pamalaskon uhurta, ai ma pararatkon ambilan na madear janah mangajari buei halak ase gabe susian ni Jesus. Halani ai, ganup hita, lang soal na matua atap pe na maposo, “lambin surung ma ibagas horja ni Tuhan in”.